ФАКТОР НА ДЕНОТ: ВМРО-ДПМНЕ порача дека Делчев е последниот бастион, коронавирусот однесе млади животи

Добивај вести на Viber

ВМРО-ДПМНЕ ОДРЖА ПРОТЕСТ ЗА ОДБРАНА НА ГОЦЕ ДЕЛЧЕВ 

Лидерот на ВМРО-ДПМНЕ, Христијан Мицкоски вечерва на протестот посветен на националниот херој Гоце Делчев изјави дека Делчев е црвената линија на нашето достоинство. 

Вели дека патриотизмот не е демоде политика. Порача дека македонизмот не е ништо помалку важен од европеизмот. 

Рече дека ЕУ значи почитување на различноста, а нашата иднина е во ЕУ. 

„Денес сме тука и за ЕУ, и за Гоце Делчев. Народот е најважен, затоа што народот е државата. Не смееме да дозволиме да станеме територија без држава“, кажа Мицкоски. 

Вели дека СДСМ предводена од Зоран Заев не е за ЕУ. Наведе дека таму нема рекет, нема пропаѓање на банки, и осиромашување на народот.

„Сакаат да го продадат Гоце за да можат да си поделат уште некоја лиценца за марихуана“, додаде Мицкоски. 

Рече дека Заев не е иднина, туку закана за иднината на Македонија во ЕУ. 

„Делчев обединувал, а Заев разединува. Изборот е или СДСМ или вистината, или Македонија или мафија“, изјави Мицкоски. 

MЛАДИ ЛУЃЕ ПОЧИНАА ОД КОРОНАВИРУСОТ

Министерството за здравство информира дека во последните 24 часа се направени 1404 тестирања, а регистрирани се 98 нови случаи на ковид-19 во: Скопје-50, Куманово-6, Штип-4, Прилеп-5, Тетово-7, Струга-3, Велес-1, Битола-4, Охрид-2, Гостивар-1, Струмица-9, Крива Паланка-1, Кочани-1, Берово-1, Делчево-2, Кичево-1.

Денеска Институтот за јавно здравје регистрира 104 оздравени пациенти од: Скопје-46, Штип-6, Прилеп-8, Тетово-9, Велес-1, Охрид-3, Гевгелија-1, Струмица-2, Крива Паланка-2, Кочани-2, Македонски Брод-5, Пехчево-4, Берово-4, Виница-2, Делчево-6, Свети Николе-1, Кичево-2.

Пациентката која имаше само 23 години од Скопје и која почина од ковид 19 е потврдена позитивна на 5.09, а претходно 4 дена била со симптоми: температура, кашлица и тешко дишење, соопштија од Министерството за здравство. 

ОСМАНИ И ЗАЕВ ВО ПОСЕТА НА АТИНА

Новиот министер за надворешни работи Бујар Османи веќе слета во Атина.

Тој за ова свое службено патување, прво како министер за надворешни работи, веќе се пофали на својот фејсбук профил, најавувајќи ги средбите што таму ќе ги оствари. 

ПОЧНА ОБЕШТЕТУВАЊЕТО НА ШТЕДАЧИТЕ ВО ЕУРОСТАНДАРД БАНКА

Од денеска стартува обесштетувањето на штедачите од Еуростандард банка. Пред банките повторно ќе има редици граѓани, дел од оние што имаат редовни потреби за услугите од банкарското работење, а дел од штедачите, кои ќе ги посетат банките з да си ги подигнат влоговите до 30 илјади евра. 

Во некои банки утрово немаше големи метежи, односно ситуацијата изгледаше редовна, а во други, како што велат нашите читартели, се создале поголеми редици.

ЧИТАЈТЕ УШТЕ

Го спасуваа извозот и ја влечеа ранетата економија напред - сепак за поголемите извозни компании од кои повеќето странски инвеститори досега немаше помош од државата. Во пресрет на есента и продолжената криза и тие стравуваат од ударот. 

Иако Преспанското езеро се повлекува сепак оваа летна сезона имаше многу гости во Преспа.

Една инвестициска банка која е специјализирана за пазарите во развој на Југоисточна Европа објави анализа за акцијата на „Комерцијална банка“.

Николај Крастев, бугарскиот новинар, долгогодишен дописник од Западен Балкан и аналитичар, смета дека ќе биде голема грешка доколку Бугарија го блокира патот на Македонија во Европската Унија и започнувањето на преговори за членство. 

Димитар Апасиев, лидерот на Левица, купил стан од 65.000 евра во 2017 од 60 метри квадратни во Скопје, но и има кредит во банка од 3,46 милиони денари подигнат во 2016, според Анкетниот лист кој го пријавил во Државната комисија за спречување на корупцијата. Пратеникот во Антикорупциска навел и дека автомобилот алфа ромео е на неговиот брачен другар, произведен во 2007, и вреди 155.000 денари.