ФАКТОР НА ДЕНОТ: Во февруари стигаат првите дози од Фајзер вакцината, а денес меѓу починатите има и 35 годишен пациент

Добивај вести на Viber

ПРВИТЕ ДОЗИ ОД ВАКЦИНИТЕ ФАЈЗЕР СТИГААТ ВО ФЕВРУАРИ

Македонија во февруари ги добива првите дози на Фајзер вакцината. 

Денеска попладне е постигнат директен договор со компанијата, а количината ќе биде позната во текот на следните недели, информираат од Министерството за здравство. 

МЕЃУ ПОЧИНАТИТЕ ДЕНЕС ИМА И 35 ГОДИШЕН ПАЦИЕНТ

Министерството за здравство информира дека во последните 24 часа се направени 2366 тестирања, а регистрирани се 493 нови случаи на ковид-19 во: Скопје-210, Куманово-28,  Штип-14, Прилеп-14, Тетово-7, Струга-6, Велес-34, Битола-15, Охрид-24, Кавадарци-32, Гостивар-10, Гевгелија-17, Струмица-17, Крива Паланка-6, Радовиш-7, Крушево-1, Кочани-5, Пробиштип-3, Македонски Брод-1, Демир Хисар-1, Пехчево-5, Берово-6, Валандово-5, Виница-1, Свети Николе-2, Кичево-9, Ресен-5, Неготино-8. 

Денеска Институтот за јавно здравје регистрира 450 оздравени пациенти од: Скопје-154, Дебар-15, Штип-32, Прилеп-32,  Тетово-18, Струга-16, Велес-27, Битола-34, Кавадарци-23, Гостивар-17, Гевгелија-11, Струмица-14, Крива Паланка-4, Радовиш-6, Кочани-1, Пробиштип-5, Македонски Брод-2, Валандово-1, Виница-3, Кратово-1, Свети Николе-6, Кичево-8, Ресен-1 и Неготино-19.

ОДБИЕНИ АМАНДМАНИТЕ НА ОПОЗИЦИЈАТА ЗА ПОПИСОТ

Одбиени се амандманите на опозицијата за пописот, а законот ќе се донесе после празниците. 

Расправата за амандманите за пописот заврши, a владејачкото мнозинство ги одби ги одби сите четириесетина амандмани од опозициските партии за предлог-законот за попис. Одбиени се амандманите со кои се бара да се појаснат основните поими што се користат во законот како што се „вкупно население во државата“, „место на живеење“, „официјално место на живеење“. Не е прифатен ни амандманот од Алијанса и Алтернатива со кој бараа посебна пописна комисија наместо Државниот завод за статистика. Од ВМРО-ДПМНЕ потврдија дека СДСМ и ДУИ со 8 гласа против го одбиле и амандманот за попис со отпечаток од прст за што партијата најмногу инсистираше. 

МИЗРАХИ СО НИЗА ПРАШАЊА ЗА ЗАЕВ

Рашела Мизрахи, пратеничката на ВМРО-ДПМНЕ, на денешната седница во Собранието за поставување на пратенички прашања му покажувашпе фотографии од членови од нејзиното семсјтво убиени во фашистички логор, како и фотографии од убиени македонски национални херои во текот на Втората светска војна. На ова премиерот Зоран Заев, кој беше присутен на седницата, возврати дека тоа е однапред подготвена провокација и дека поранешната техничка министерка за труд и социјална политика во тој случај треба да зборува и за Германија, а не само за Бугарија.

ПОТРЕСНИ ПРИКАЗНИ СТИГНУВААТ ОД ХРВАТСКА

Од под урната куќа во Хрватска е извлечена постара жена, жива и здрава.

На социјалните мрежи е објавено видео од спасувачката мисија, жената е спасена, но нејзиниот сопруг не преживеал. Тој со своето тело помогнал неговата сопруга да преживее. 

ЧИТАЈТЕ УШТЕ

И костените во Македонија ги зафати „пандемија“, велат од Институтот за одржлив рурален регионален развој „Бела виста“ од Тетово, објаснувајќи дека дрвјата се на удар на паразити, и треба да се преземат мерки за нивна заштита.

За дочекот на Нова Година на гости ќе смее да се оди, но во еден дом не би требало да се групираат повеќе од четири лица кои не се од исто семејство.

Катастрофа, ужас, трагедија. Со овие зборови Живко Давидовски, ја опишува состојбата во Петриња, Хрватска, која вчера беше погодена од разорен земјотрес со јачина од 6,3 степени по Рихтер. Давидовски, по потекло од Македонија, живее во центарот на градот кој најмногу настрада од потресот. 

Агенцијата за лекови МАЛМЕД за околу два до три дена ќе ги издаде потребните одобренија за лекот ивермектин, кои веќе стигнале до неа од неколку болници и веледрогерии од земјава.

Директорот на ГОБ „8 Септември“, д-р. Христијан Костов верува во празничната магија и покрај сите големи предизвици со кои се соочува светот и посакува секој да ја пронајде и да ја доживее на свој начин.

Методија Мирчев е извршен директор на А1 Македонија. Компанијата и годинава остана доверлив партнер на корисниците, а Мирчев вели дека и во годината што претстои ќе се стремат кон ефикасен дијалог со сите корисници. Очекува постпандемиско опоравување во кое, како што вели, сите субјекти ќе дадат максимум напори и заложба да се постигне стабилизација на сите полиња.

Јордан Камчев е претседател на Одборот на директори на „Аџибадем Систина“. Во годината која изминува оваа клиничка болница се докажа како клучна алка во домашниот здравствен систем.