ФАКТОР НА ДЕНОТ: Во пресрет на празниците донесени рестриктивни мерки, а денес има нови 881 заразен

Добивај вести на Viber

ВЛАДАТА ГИ ПРИФАТИ РЕСТРИКТИВНИТЕ МЕРКИ

Донесени се дополнителни рестриктивни мерки во периодот од 18 декември до 20 јануари, на 30-та седница на Владата. 

Владата ги прифати препораките на Комисијата за заразни болести, поддржани и од Главниот координативен штаб за дополнителни рестриктивни мерки во периодот од 18 декември до 20 јануари.

Владата донесе измени и дополнувања на Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита од КОВИД-19, според кои се ограничува работата на угостителските објекти наместо до 21 часот да биде до 18 часот, освен за угостителските објекти кои остваруваат продажба на алтернативен начин (онлајн нарачки, телефонски нарачки и слично) и да вршат достава или да овозможат самостојно подигнување на нарачката надвор од угостителскиот објект (преку штанд/пулт).

НОВИ 881 ЗАРАЗЕН СО КОРОНАВИРУСОТ

Министерството за здравство информира дека во последните 24 часа се направени 2902 тестирања, а регистрирани се 881 нови случаи на ковид-19 во: Скопје-425, Куманово-40, Дебар-1, Штип-17, Прилеп-55, Тетово-32, Струга-24, Велес-23, Битола-39, Охрид-33, Кавадарци-22, Гостивар-30, Гевгелија-10, Струмица-35, Крива Паланка-7, Радовиш-5, Кочани-23, Пробиштип-4, Демир Хисар-4, Македонски Брод-3, Берово-1, Виница-1, Делчево-8, Кратово-3, Свети Николе-1, Кичево-12, Ресен-4, Неготино-19. 

Денеска Институтот за јавно здравје регистрира 806 оздравени пациенти од: Скопје-247, Куманово-53, Штип-34, Прилеп-69,  Тетово-3, Струга-19, Велес-32, Битола-64, Охрид-43, Кавадарци-41, Гостивар-49, Гевгелија-13, Струмица-1, Крива Паланка-8, Радовиш-8, Кочани-14, Пробиштип-8, Демир Хисар-5, Македонски Брод-3, Пехчево-3, Берово-11, Валандово-1, Делчево-12, Кратово-1, Свети Николе-12, Кичево-20, Ресен-12 и Неготино-20.

АПАСИЕВ ТВРДИ ДЕКА 70.000 КОСОВАРИ ЌЕ СТАНАТ МАКЕДОНСКИ ДРЖАВЈАНИ

Лидерот на „Левица“, Димитар Апасиев, на Фејсбук напиша дека со изгласаните измени на Законот за државјанство, како што вели тој, околу 70.000 граѓани од Косово ќе може да добијат македонски пасоши, а според пратеникот, тоа го прави владеачката партија СДСМ за да може да обезбедува кворум во Собранието со помош на пратениците на Алијанса на Албанците и Алтернатива.

„До каде (ќе) оди забеганоста на СДС?

ОБВИНЕНИЕ ЗА ПОШТЕНСКА БАНКА

По сеопфатна истражна постапка, Основното јавно обвинителство за гонење на организиран криминал и корупција до Основниот кривичен суд - Скопје доставило обвинителен акт против девет лица. 

ЧИТАЈТЕ УШТЕ

„Здраво, се викам Гаел и свирам на кавал“, oва се првите зборовите кои Гаел Лекок од Франција ги научила на македонски. Таа два пати посетувала Летна школа и го изучува македонскиот јазик.

Тивко и далеку од очите на јавноста, Основното обвинителство за гонење на организиран криминал и корупција го „чешла“ предметот Еуростандард банка. Не обелоденуваат за јавноста повеќе детали, но откриваат дека надлежниот обвинител што постапува по предметот издал еден куп наредби - бара релевантни докази и ги утврдува фактите за случајот.

Трифун Костовски, еден од сопствениците на Еуростандард банка, која се споменува во случајот со големиот обвинителен акт што го поднесе ОЈО за организиран криминал против девет лица, за перење на над девет милиони евра при формирањето на Поштенска банка, за Фактор вели дека сите овие дела се направени без негово знаење.

Веќе е познато дека децата кои биле заразени со корона вирусот, самата инфекција ја поминуваат или асимптоматски или со благи симптоми на болеста, но загрижува фактот што сега регистрираме една нова состојба, која се јавува кај децата две недели до еден месец, откако го прележале Ковсд-19 или пак имале контакт со заболен, вели во разговор за Фактор, шефот на Одделот за Педијатрија во Клиничката болница „Аџибадем Систина“, д-р. Душко Фидановски.

Резарта Малиќи Салиу ќе управува со главните компании на својот татко Енвер Малиќи, еден од најпознатите и најбогатите македонски бинзинсмени, кој почина пред две недели. Покрај Резарта, Малиќи ги има и двата сина Алтин и Албан.

Наместо за плати кај работниците, дури 86 илјади евра државна помош завршија кај нивните работодавачи, кои ги задржаа на своите сметки. Такво непримерно поведение во октомври покажале 179 газди, а извисија 338 работници.