ФАКТОР НА ДЕНОТ: Заев ја депонираше оставката, а Мијалков сепак останува во притвор

Добивај вести на Viber

ЗАЕВ ЈА ДОСТАВИ ОСТАВКАТА ДО СОБРАНИЕТО

Премиерот Зоран Заев ја испрати оставката до Собранието на Република Северна Македонија. 

Тој наведува дека оставката е логичен чекор кој произлегува од исходот на локалните избори и како израз на преземената одговорност за изборните резултати.

„Резултатите на последните избори, иако беа локални, за политичкиот момент во кој се наоѓа земјата имаа и национална политичка тежина. Во вакви услови, за мене лично и за мене како премиер, заради политиките во кои верувам, заради демократските и европските вредностите во кои верувам, политички неодговорно и неоправдано пред мојот народ и мојата земја би било јас лично  да продолжам да ја водам Владата на евроатлантскиот пат. Сметам дека друг премиер од редовите на СДСМ тоа ќе може да го оствари на подобар начин, со успех и за граѓаните и за државата. Со мојата оставка со која ја преземам одговорноста сакам да оставам пример за да се препознаваат доблесните одлуки кога тоа е неопходно и со тоа да дадам уште еден придонес во јакнење на демократскиот капацитет на народот, но исто така и на идните лидери за да бидат свесни за својата граѓанска должност кога ја преземаат грижата за својата земја“, наведува Заев. 

МИЈАЛКОВ ОСТАНУВА ВО ПРИТВОР

Eкс директорот на УБК, Сашо Мијалков сепак останува во притвор.

„Постапувајќи по предлог на Основното јавно обвинителство за организиран криминал и корупција, за определување мерка притвор против С.М. обвинет во предметот со КОK бр. 63/21 во јавноста познат како „Плацеви на Водно“, а имајќи ја предвид итноста на постапката, Кривичниот совет, по добивање на предметот, одржа седница на советот и донесе решение со кое го прифати предлогот на Јавниот обвинител и на обвинетиот му определи мерка притвор во траење од 30 дена“, соопшти Основниот кривичен суд Скопје.

ЗА ПРАЗНИЦИТЕ НЕМА РЕСТРИКЦИИ

Актуелните антиковид мерки се сосема доволни и нема потреба од нови рестриктивни мерки оцени денеска министерот за здравство, Венко Филипче, нагласувајќи дека епидемиолошката состојба во Македонија е мирна.

-Остануваат на сила постоечките мерки. За влез во земјава се бара потврда за вакцинација или негативен ПЦР или пак потврда за прележан ковид. Жалам што интересот за вакцинацијата спласна. Ако се исклучат децата ние имаме опфат меѓу 50 и 55 проценти, и нема брзо да го постигнеме процентот од барем 70 отсто, но со оглед на тоа што собири на јавни места има секаде, а кулминација ќе се доживее за време на новогодишните празници и сето тоа ќе спласне, ние сега имаме прилично мирна состојбата. Не гледам зошто и специфично само за новогодишните празници би правеле некаква рестрикција кога собири сега пред Нова година традиционално има секаде во огромен број, луѓе се собираат“, изјави Филипче.

Министерството за здравство информира, согласно податоците од Институтот за јавно здравје дека во последните 24 часа:

ПЕНДАРОВСКИ БАРА РАЗРЕШНИЦА ЗА АВТОБУСКАТА НЕСРЕЌА

Претседателот Стево Пендаровски во своето предновогодишно обраќање во Собранието побара судска разрешница за автобуската несреќа во Бугарија во која загинаа 45 лица на враќање од Истанбул.

„Серијата на ужасни трагедии и лични трауми да ја пробудат одговорноста, затоа што нема ништо повредно од губењето на човечкиот живот кога има системски пропусти и прекршени правила.

ИЗГОРЕ БАРАКАТА НА ЈП„УЛИЦИ И ПАТИШТА“

Во текот на ноќта целосно изгоре бараката на јавното претпријатие Улици и патишта Скопје.

ВМРО-ДПМНЕ искажува сомневање дека синоќешниот пожар во бараките на јавното комунално претпријатие Улици и патишта - Скопје можно е да е намерно подметнат.

ЧИТАЈТЕ УШТЕ

Владата планира да донесе сосем нов закон за прогласување на вонредна состојба. Потребата произлегла од пандемијата предизвикана од Ковид-19, кога требаше и да се прогласува вонредна состојба во државата. Институциите се на мислење дека досега имало слаба регулација на точните правила за прогласување на вонредна состојба и дека таа материја е уредена во повеќе заокни и во Уставот. 

Готвачите се барани на пазарот на труд во Македонија, а посебно недостиг има во Охрид и Струга.

Во екот на историски највисоките цени на гасот, Македонија ќе се задолжи за 28,9 милиони евра - за изградба на Интерконекторот за гас од Грција, со кој ќе се овозможи земјава да се снабдува од повеќе различни извори со овој исклучително значаен енергенс. Заемот ќе го земе државната АД НЕР од Европската инвестициска банка, а за него ќе гарантира државата, но законот за таа гаранција ќе мора да го изгласаат народните избраници.

Познатиот светски бизнисмен со македонско потекло Мајк Зафировски својата најнова дејност ја регистрираше во родната Македонија преку која ќе вработува млади работници за потребите за своите компании во САД.

Хаос се случува на пазарот со електрична енергија во земјава. Една фирма снабдувач со струја во земјава им ги раскинува договорите за снабдување на компаниите, и покрај тоа што тие се склучени на подолг период, на одредена цена која била договорена при склучувањето на договорите. 

Премногу отворено прашања, несигурност и недоверба меѓу САД и ЕУ на една страна и Русија на другата страна по прашањето на Украина... Никаков напредок во разговорите Путин – Бајден.