Фармерска Битола доби лабораторија за квалитетот на млекото
Објавено во: Агробизнис 28 Октомври, 2012
Лабораторија за проверка на квалитетот на млекото се отвори во Битола, со цел сточарството да премине во професионална ориентација на македонските сточари, по Европските критериуми.
„Во овие пет години односно со субвенциите за квалитетно млеко потребни ни се вакви лаборатории.Оваа лабораторија ќе биде коректив на лабораторијата во Скопје,“ изјави министерот за земјоделие Љупчо Димовски.
Лабораторијата е приватна инвестиција , а сопственикот се одлучил да ја набави согласно потребите на сточарите во битолско.
„Моја одлука беше да набавам ваква лабораторија нели од разговорите со селаните одлучив дека е потребна инвестицијата е некаде околу 230 000 евра,“ рече Владимир Димовски сопственикот на лабораторијата.
Капацитетот на оваа тест станица е 50 проби на час.
Новата земјоделска стратегија предвидува промена токму во делот за премијата за млеко, која што за прв пат ќе биде според квалитет. Новиот принцип ќе се применува од 2014 година кога за втора класа млеко премијата ќе биде 2,5 денари за литар, 3,5 денари за литар за прва класа и 4 денари за екстра класа. Висината на премијата ќе биде иста и во 2015 година, за веќе во 2017 година за втора класа висината ќе се на намали на 1,5 денари за литар млеко, со цел фармерите да се стимулираат да произведуваат млеко од екстра класа.
Ј.С.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
