21 Јануари, 2021
0.0199

ФАВИПИРАВИР ОД ДЕНЕСКА ПРИСТИГНУВА ВО МАКЕДОНИЈА: Болните од Ковид-19 да не го купуваат по баснословни цени од Косово или од Босна

Објавено во: Македонија 23 Ноември, 2020

Фавира и Фавимол, моќниот антивирусен лек чие генеричко име е Фавипиравир во текот на оваа недела ќе биде увезен во земјава. Ваков чекор на надлежните следи, откако овгромен број болни од корона вирусот, односно нивни блиски го набавуваа од Косово или од Босна.

Цената, како што велат нашите соговорници, само за едно кутивче изнесувала од 75 до 100 евра.

-Татко ми е веќе неколку дена е позитивен на корона вирусот. Се советував со многу кои го прележале, а имале навистина тешки симптоми. Секако, разговарав и со лекари специјалисти, и сите ми посочија како знам да набавам Фавипиравир. Преку мои канали, успеав да набавам Фавимол од Косово. Само едно кутивче го платив 100 евра, а треба да испие две. Пред да почнам да му го давам, повторно ќе се консултирам и со матичната лекарка и со специјалист интернист или пулмолог, па ќе видам што ќе ме советуваат. Во секој случај, лекот е дома, а за цената воопшто не се ни двоумев, колку сака нека чини, само татко ми да се излекува успешно, вели соговорникот на Фактор.

Вакви искуства имаат голем број луѓе. На социјалните мрежи споделуваат разни искуства кој лек делува, за колку време може да им се подобри ситуацијата, како успеваат да го набават Фавипивир дури и од Босна и која е цената.

Матичните лекари велат дека ниту еден лек, а посебно не вакви силни антивирусни медикаменти пациентите не смеат да ги земаат на своја рака. Координаторот на матичните лекари од Куманово, д-р. Фатмир Асани за Фактор, посочува дека во неговата 42-годишна пракса, никогаш не ги советувал пациентите да набават лек кој го нема во земјава, освен во посебни случаи, ако лекот е целосно испитан, постои во друга држава, се дава на пациентите и секако има успех во лекувањето.

-За Фавипиравир слушнав дека го набавуваат, но тоа е нелегално. Кај нас се уште го нема овој лек, и пациентите не би требало да го купуваат по некои нивни канали. Од секоја мака на човекот, некој се обидува и добро да заработи, но овој пат станува збор за лек, а ниту еден лек не смее да се пие туку така. Дури и за апчиња за глава треба да се направи консултација со лекар, вели д-р. Аасани.

Истиот став го дели и професор д-р. Бистра Ангеловска, која за Фактор појаснува деказа секој лек што ќе се увезе во Македонија се прави целосна проценка пред да се пушти во употреба.

-Фавипиравир исто како и Ремдесивир е моќен антивиротик кој на пациентите се дава под целосна опсервација и детално следење на состојбата на пациентите од страна на лекари специјалисти. Најголемата опаност лежи во лажни лекови. За секој лек што легано е увезен имаме огромна документација од каде го следиме дури и потеклото на активната супстанца во самиот лек, за да можеме да дадеме гаранција за чистотата на лекот. Ја следиме неговата ефикаснот преку разни клинички испитувања, неговата ефикасност кај пациентите, одиме до најситни детали пред еден лек да биде пуштен во употреба. Инаку, по прекопарака на лекари специјалисти, по совети на еден цел научен колегиум, може да се направи интервентен увоз на лекови од одредена држава каде тој лек се дава редовно на пациентите за одредена болест и е докажано дека има успех во лекувањето. Тоа е всушност гаранција за квалитетот на лекот, појаснува проф. д-р. Ангеловска за Фактор.

Како и да е, по голем број набавки на Фавипиравир на своја рака, Агенцијата за лекови одобри увоз, па во текот на оваа недела ќе пристигне во земјава треба да пристигне од понеделник. Овој увоз е секако направен по барање на лекарите, но здравствените власти ќе го имаат последниот збор на кој начин лекот ќе биде достапен за граѓаните.  

Анита Буховски

Можеби ќе ве интересира

Во шест македонски града воздухот вечерва е екстремно загаден

Во шест македонски града воздухот вечерва е екстремно загаден

ФАКТОР НА ДЕНОТ: Почнаa калкулации за пописот, Заев вели тој нема да влијае на стекнатите права

ФАКТОР НА ДЕНОТ: Почнаa калкулации за пописот, Заев вели тој нема да влијае на стекнатите права

Скоро 75.000 луѓе во Македонија се изборија со коронавирусот

Скоро 75.000 луѓе во Македонија се изборија со коронавирусот

Ципрас вели дека ако не бил Договорот од Преспа на север би имале сојузник на Ердоган

Ципрас вели дека ако не бил Договорот од Преспа на север би имале сојузник на Ердоган

Заев одговори дали податоците од пописот ќе влијаат на стекнатите права

Заев одговори дали податоците од пописот ќе влијаат на стекнатите права

МИНИСТЕРСТВО ЗА ЗДРАВСТВО: Регистрирани се 72 нови случаи на ковид-19 и 13 починати

МИНИСТЕРСТВО ЗА ЗДРАВСТВО: Регистрирани се 72 нови случаи на ковид-19 и 13 починати

Постојат само две опции за Бугарија да даде зелено светло за преговори, вели Јотова

Постојат само две опции за Бугарија да даде зелено светло за преговори, вели Јотова

ДОСИЕ: Разрешена судијката која ги казни Фатиме Фетаи и Катица Јанева додека ВМРО-ДПМНЕ беше на власт

ДОСИЕ: Разрешена судијката која ги казни Фатиме Фетаи и Катица Јанева додека ВМРО-ДПМНЕ беше на власт

Мицкоски: Полицијата казнува на Водици, а не вистинските криминалци на улиците

Мицкоски: Полицијата казнува на Водици, а не вистинските криминалци на улиците