Фејсбук и Твитер на удар на турските власти, се трага по демонстрантите

Добивај вести на Viber

Со проверка на статусите од Фејсбук и Твитер, турските власти ќе утврдуваат кои демонстранти и граќани преку социјалните мрежи ги навредувале авторитетите во земјата и повикувале на масовни антивладини протести. Како што објавија неколку медиумите,  полицијата веќе доставила список на 35 лица до јавното обвинителство во Истанбул, кои се осомничени дека на Фјсбук го навредувале премиерот Реџеп Таип Ердоган. Официјални владини претставници потврдиле дека на социјалните мрежи има многу навреди и вулгарности кои се косат со законот, кој во Турција забранува навреда на јавни личности. Според извештаите на локалните медиуми, полицијата привела десетици лица поради осомниченост за поттикнување протести по пат на социјалните мрежи. Организацијата за заштита на човековите права веќе долго време врши притисок на Турција да изврши реформи на строгите закони за интернет.Претходно Твитер и Фејсбук одбиле да ги споделат податоците со Владата, објави весникот Хуриет. Двете социјални мрежи објавија дека не одоговориле позитивно на барањата за соработка упатени од турскиот министер Бинали Јилдирим.  Ова го потврди и самиот министер кој за турските медиуми изјавил дека од Твитер не сакале да соработуваат со турските власти во истрагата за учеството на социјалните мрежи во протестите за паркот Гези во Истанбул. Фејсбук исто така соопшти дека не разменила податоци со Турција, додека во исто време министерот тврдеше дека тој оваа мрежа соработува со турските власти.