Добивај вести на Viber
Транспортно- шпедитерската компанија Фершпед и догодина планира раст на приходите, но поради проекциите за минорен раст на домашната економија догодина, растот ќе биде само 5%.
Добивката се предвидува да расте со стапка од 23%, а се предвидуваат инвестиции од 2 милиони евра за инвестирање во градежните објекти, за набавка на опрема.
„Оперативните расходи се предвидува да растат со помала стапка од стапката на раст на вкупните приходи, за 1 индексен поен. Заложба на друштвото е намалување на трошоци до моментот кога не би се загрозил квалитетот на работењето, но не и оние трошоци кои се дирекно поврзани со обемот на работење (транспортни услуги)“, се вели во соопштението од Фершпед доставено до Македонската берза.
Компанијата најави дека ќе штеди на комунални и телкомуникациски услуги, осигурување, реклама, репрезентација и сл, додека трошоците за вработените се предвидува да остане на исто ниво како и годинава.