„Фијат“ од Чешка се сели во Будимпешта

Добивај вести на Viber

Италијанската фабрика за автомобили Фијат си заминува од Чешка во намера да ги намали своите трошоци. Како нова локација за нејзиното претставништво е избрана Будимпешта, пред се поради ниските даноци, но и ниските цени за хотели и наемнини за станови. „ Новиот пазар ќе значи и подобра позиција за преговоти со централното претставништво, пред се во делот на испораката и цените", изјави пред вработените во Прага, Ласло Штекл, раководител во Фијат. Според Штекл, новата организациона структура треба да донесе поголем избор на клиентите, бидејќи досега, Чешка имаше избор од само околу 3.000 автомобили подготвени за итна испорака. Во новиот центар на Централна и Источна Европа во Унгарија ќе има на „лагер“ по 10.000 возила. „Ние сме првата компанија која презела таков чекор како одговор на кризата, но секако не и последна", рече Штекл. На чешкиот пазар, продажбата на Фијат оваа година порасна за шест проценти. Сепак ова е слаб резултата ако се земе во предвид фактот што во 2011-та, загубите во Чешка изнесуваа 1,2 милиони евра.