„Фискалниот гребен“ предизвика неделен пад на светските берзи

Добивај вести на Viber

Пад остварија цените на акциите на светските берзи изминатата недела,  поради тоа што немаше напредок во преговорите во Вашингтон за намалување на буџетот, па ризикот од „фискален гребен“ и рецесија на американската економија станува се поголем. Минатата недела Dow Jones се намали за 1,9 отсто, на 12.938 поени, S&P 500  загуби исто толку паѓајќи на 1.402 поени, а индексот Nasdaq потона за два отсто, на 2.960 поени. Американскиот претседател Барак Обама и републиканците во Конгресот ниту минатата недела не напредуваа во преговорите за мерките за намалување на буџетскиот дефицит. Поради тоа претстои закана од намалување на буџетските расходи и зголемување на даноците на почетокот на наредната година, што може да ги турне САД во рецесија. Поради „фискалниот гребен“  берзите позитивно не влијаат ниту добрите макроекономски показатели, кои укажуваат на јакнење на економиите. Како што се доближува рокот за постигнување на договор за намалување на буџетскиот дефицит, се разгледуваат сите опции. Можно е на 1 јануари автоматски да стапи на сила зголемувањето на даноците и намалување на јавните расходи, но некои аналитичари сметаа дека таквата состојба би можела да се надмине со нов закон кој ќе се применува ретроактивно. -Ние не сме толку загрижени со 1 јануари, како што некој други на берзите се загрижени. Состојбата може да се реши, можеби не во зададениот рок, но секој договор може да се примени ретроактивно“, смета Ричард Вајс, директор во компанијата American Century Investments. Сепак инвеститорите се исклучително претпазливи, а тоа го  покажува и растот на VIX индексот на Чикашката берза на опции, кој само во петокот скокна за 17 отсто, на 22,7 поени, што е  највисоко ниво во изминатите шест месеци. Тоа покажува дека инвеститорите засилено ги осигуруваат своите портфолија од можен натамошен пад на цените на акциите. И на европските берзи цените на акциите изминатата недела беа во пад. Лондонски FTSE ослабна за 0,2 отсто на  5.925 поени, франкфуртски DAX падна за 0,3 отсто, на 7.612 поени, а париски CAC беше во минус од 1,1 отсто и изнесуваше 3.620 поени.