„Фолсфаген“ ќе биде најголемиот светски производител на автомобили?

Добивај вести на Viber

Германскиот производител на автомобили „Фолксваген“ планира да инвестира 3,4 милијарди евра во модернизација на возилата, но и во својата компанија во Бразил. Со оваа инвестиција, компанијата очекува да стане најголем производител на автомобили во светот до 2018-та. Инвестицискиот план на компанијата во Бразил за периодот до 2016 година опфаќа трошоци од 126 милиони евра за проширување на производството на автомобилски компоненти, што ќе овозможи дневното производство на автомобилски мотори да се зголеми на 4.800, од сегашните 3.800 мотори. „Фолсфаген“ ги зголемува своите активности во Бразил за да го ублажи ударот од намалената побарувачка во Европа. Додека во Европа се проценува дека падот на побарувачката на возила може да биде најголем во изминатите 19 години, во Латинска Америка се предвидува раст од 8,6 проценти. Годинава во Бразил воведе даночни олеснувања за купувачите на автомобили, што ја зголемува побарувачката. Сепак од идната година, кога мерките ќе престанат, можно е нејзино намалување, сметаат експертите.

„Фолксваген“ се надева на раст на пазарот на автомобили, поради фактот што 40%  проценти од населението во Бразил нема автомобил.