Фондацијата „Трајче Мукаетов“ додели нови 40 стипендии

Добивај вести на Viber

Дваесет студенти на Фармацевтскиот и 20 на Медицинскиот факултет на Универзитетот „Св. Кирил и Методиј“ - Скопје и годинава ќе добијат стипендии од фондацијата „Трајче Мукаетов“. Тие ќе добиваат по 6.000 денари во следните 12 месеци. Освен ова , еднократна парична помош во висина од 1.200 евра во денарска противвредност ќе добијат и првенците на генерациите на двата факултети. Годинава тоа се Бисера Степановска на Фармацевтскиот факултет со просек 9,98 и Александар Јовановски од Медицинскиот факултет со просек 9,93. Степановска, од 1 ноември ќе започне да работи во „Алкалоид“, во Одделот за контрола на квалитет на лекови, најави првиот човек на Управниот одбор на компанијата Живко Мукаетов. Со ова продолжува големиот хуманитарен проект Фондација „Трајче Мукаетов“, кој изминативе години стипендираше вкупно 304 студенти по фармација и медицина. Фондацијата е основана од страна на Управниот одбор на фармацевтската индустрија „Алкалоид“. Од 2009 година до денес својата кариера во „Алкалоид“ ја започнале 24 од стипендираните студенти.