Форбс: Ангела Меркел повторно најмоќна жена на светот

Добивај вести на Viber

Германската канцеларка Ангела Меркел петта година по ред ја предводи листата на престижното издание „Форбс“ за највлијателна жена во светот.

На второ место во 2014 година е поранешниот државен секретар на САД и актуелен претседателски кандидат Хилари Клинтон. Веднаш по неа се Мелинда Гејтс – сопругата на Бил Гејтс и ко-основачката на фондацијата „Бил и Мелинда Гејтс“, претседателот на американскиот федерален резерви Џенет Иелтн и извршниот директор на „Џенерал моторс“ Мери Бара.

Во првите десет спаѓаат и директорката на Меѓународниот монетарен фонд (ММФ) Кристин Лагард, која е на шестото место и првата дама на САД Мишел Обама – на деветтото.

Годишната листа на највлијателните жени во светот на магазинот „Форбс“ вклучува дами од осум категории – технологија, политика, бизнис, финансии, медиуми, забава, филантропија и милијардери.

За последните 12 години канцеларката Меркел била 10 пати во првата десетка на листата. Меѓу новите засилувања во рангирањето е и американската пејачка Тејлор Свифт на 54-то место, која со своите 25 години е и најмладиот нејзин член.

Според статистиката на изданието 59% од дамите во рангирањето се американки. Од азиско-пацифичкиот регион има 18 претставнички, 12 од Европа, по четири од Латинска Америка и Блискиот Исток и три од Африка.