17 Февруари, 2020
0.0165

Ford Focus – избран за автомобил на годината и во Македонија

Објавено во: Мои пари 19 Февруари, 2019

Комплетно новиот Ford Focus е прогласен за Автомобил на годината за 2019 во Македонија, откако оваа титула претходно ја понесе во Словенија и во Хрватска. Исто така, Focus е еден од седумте автомобили на кратката листа за наградата Европски автомобил на годината, која ќе биде најавена во март.

Стручно жири, по 24-ти пат, ги вреднуваше, тестираше и бодираше автомобилите според различни критериуми и притоа, едногласно одлучи Focus да ја добие титулата Автомобил на годината 2019.

„По анализата на сите својства на возилата кои беа избрани како финалисти и по практичното запознавање со возните карактеристики, членовите на Националното жири за Избор на Автомобил на годината во Македонија, титулата ја додели на Ford Focus. Националното жири се раководеше од шесте критериуми: адекватност и понуда на домашниот пазар, економичност и еколошка прифатливост, безбедност и примена на технолошки достигнувања, возни својства, дизајн и комфорт и опременост. Победничкото возило Ford Focus доби 69 бодови од  жирито,пред Citroen C5 Aircross со 67 и Kia Ceed модел што доби 66 бода“, стои во информацијата од Националното жири за избор на „Автомобил на годината во Македонија“ упатена до медиумите.

Наградата е освоена во конкуренција на финалистите: KiaCeed, Citroen C5 Aircross,VolvoXC40и Opel Grandland X.

„За нас, навистина, признанието е многу значајно и само ја потврдува моќноста и уникатниот дизајн на ова возило. Освен естетиката, Ford Focus нуди сериозно технолошко искуство за возачот и сериозно ниво на безбедност за сите патници. Драго ни е што Македонија се приклучува на долгата листа земји во кои нашиот модел се закити со оваа награда“, вели Дритон Заири, генерален директор на Ми-Да Гранд Моторс

Треба да се напомене дека технолошкиот Ford Focus победи во 10 различни категории и во првите шест месеци по продажбата, до ноември минатата година, продаде над 45.000 возила во Европа. Станува збор за автомобил кој е направен од празен лист хартија и визионерски претворен во автомобил со револуционерен дизајн, комплетно ново подвозје со најдобри возни својства, врвни системи за безбедност, сигурност, економичност и удобност.

Новиот Focus се нуди во хечбек варијанта со пет врати и лимузински стил. Како дополнување на ST -Line се нудат и Focus Trend, Focus Titanium и Focus Vignale. Исто така, со нарачка е достапен и првиот спортски инспириран Focus Active кросовер. Испорачувајќи повеќе внатрешен простор, комбиниран со материјали од висок квалитет и занаетска изработка, новиот Focus нуди софистициран ранг на Ford технологии за помош на возачот, како што се адаптивна контрола на движење со Stop-Go и првиот дисплеј пред глава кој ќе биде понуден од Ford во Европа. На Focus, исто така, му е доделен максималниот рејтинг од 5 звезди за безбедност од независните EURO NCAP, согласно новите и најстроги протоколи за тестирање.

Комплетно новиот Ford Focus е достапен кај официјалниот дистрибутер Ми-Да Гранд Моторс и нивните овластени дилери.


Можеби ќе ве интересира

Утре прекин на водоснабдувањето на повеќе улици

Утре прекин на водоснабдувањето на повеќе улици

„Шпаркасе Банка“ втора година по ред финансира старт-ап бизниси во соработка со програмата ЕаСи на ЕУ

„Шпаркасе Банка“ втора година по ред финансира старт-ап бизниси во соработка со програмата ЕаСи на ЕУ

Панел дискусија: #StraightToThePoint насоки од успешни стартап приказни

Панел дискусија: #StraightToThePoint насоки од успешни стартап приказни

На 20 месецов прекини на водоснабдувањето во повеќе населби

На 20 месецов прекини на водоснабдувањето во повеќе населби

СРЕЌА ПЛУС за Александра и Александар од Пробиштип со Златна Рипка вредна 500 000 денари

СРЕЌА ПЛУС за Александра и Александар од Пробиштип со Златна Рипка вредна 500 000 денари

Медиумите кои нема да се регистрираат во ДИК, нема да имаат право да користат пари за ППР

Медиумите кои нема да се регистрираат во ДИК, нема да имаат право да користат пари за ППР

Почнува кампања на инфо денови за мерка 1 од ИПАРД Програмата 2014-2020

Почнува кампања на инфо денови за мерка 1 од ИПАРД Програмата 2014-2020

Samsung во нов поход - Кои се импресиите по лансирањето на Galaxy S20?

Samsung во нов поход - Кои се импресиите по лансирањето на Galaxy S20?

Непријатната вистина за иднината на Македонија со фосилниот гас

Непријатната вистина за иднината на Македонија со фосилниот гас