Форум за земјоделска политика во Охрид
Објавено во: Агробизнис 17 Октомври, 2012 13:27
Форумот за земјоделска политика 2012 во Охрид на едно место ги собра ресорните министри од 12-те држави-членки на Постојаната работна група за регионален рурален развој во земјите на Југоисточна Европа. Излагањата на регионалните министри за земјоделство ќе ги следат и претставници на институциите на Европската унија, Австрија, Германија, Унгарија и Словенија. Форумот во улога претседавач со Постојната работна група, денеска го отвори македонскиот министер за земјоделство, шумарство и водостопанство, Љупчо Димовски.
-Нашата земја е подготвена да го сподели националното искуство со колегите од другите земји. Истовремено се надеваме дека и ние ќе се здобиеме со корисно меѓународно искуство, преку зголемена размена на искуство, дискусии и соработка, за да ја подобриме нашата работа. Преку учеството во дискусиите на темите на Форумот, преку слободна и експлицитна дискусија ќе се придонесе кон формулирањето на политиките и перспективите, изјави Димовски
На Форумот за земјоделска политика 2012, ќе се дискутира за имплементацијата на идната земјоделска политика и политиката за рурален развој на Европската унија и нејзиното влијание врз земјите од Југоисточна Европа. Акцентот ќе биде ставен на земјоделството и руралниот развој, предизвиците поврзани со климатските промени и територијалната и регионалната соработка.
Од собирот во Охрид ќе биде издаден завршен документ, односно „Охридска агенда 2012“, што ќе биде доставен до надлежните европски институции, Европарламентот, директоратите за земјоделство, различни комитети, агенциии, и други институции што се поврзани со аграрната тематика, преку кој ќе бидат презентирани позициите на регионот од ЈИЕ кон темите и проблемите што ги обработува Форумот, а се во врска со заедничката аграрна политика.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
Koj е најголемиот европски центар за производство на зеленчук?
