(ОБНОВЕНО ГАЛЕРИЈА) Аирлија нека врти!
Објавено во: Македонија 30 Август, 2018
Со механизација вечерва се работи и се поставува бројчаникот на Триумфалната порта.
Премиерот Зоран Заев денеска рече дека тоа е ветување кое го дал додека беше во опозиција и дека ќе се исполни многу скоро.
Заев кажа дека бројчаникот ќе го финансира тој, односно дека ќе го плати со пари од свој џеб и ќе го донира на Министерството за култура.
На 22 ноември 2016 година, во предизборието за предвремените парламентарни избори (декември 2016), Заев на партискиот митинг во скопската општина Аеродром вети дека украдените народни пари ќе бидат вратени назад на државата и дека тоа ќе го регистрира бројчаник поставен на „Порта Македонија“ во Скопје.
фото Фактор