(ФОТО) ПОЛНИ КАФУЛИЊА: Италија ги олабави мерките
Објавено во: Свет, Корона Вирус 02 Февруари, 2021
Италија ги oлабави мерките, а кафулињата се полни.
Министерството за здравство ги попушти мерките во 15 од 20 италијански региони. Пет региони се во „црвената зона“ и патувањата меѓу различни региони се забранети до средината на февруари. Земјата во понеделникот попушти некои од епидемиолошките мерки и меѓу првите ги отвори кафулињата. По строгите мерки кои беа воведени во текот на божиќните и новогодишните празници, две третини од земјата ги задоволуваат условите за влегување во „жолта зона“ во која на кафулињата им е дозволено повторно да послужуваат на шанковите и масите, место да нудат пијалок за носење.
Во дел од земјите од Европа има строги мерки, а во делови од Италија во кафулињата се послужуваат гости на шанковите и на масите до 18 часот. Потоа е дозволено да се продаваат пијалоци за носење, кога почнува полицискиот час кој трае до 5 часот наутро.
Во неделата во Италија имаа 11.252 новозаразени со коронавирусот.Европската унија ги заостри ограничувачките мерки за влез во земјите на Унијата за патниците кои доаѓаат од земји кои не се членки.