Добивај вести на Viber
Вечерва пред затворање на Саемот на книга во Скопје, го посети и првата сопруга на поранешниот премиер Никола Груевски, Сузана Арбутина.
Таа видно беше заинтересирана за неговата книга „Добро е да се знае“ и подолго се задржа на штандот на издавачката куќа „Ѓурѓа“ која ја издаде книгата. Оваа книга е збир на текстови и записи од полето на историјата и празниците (празниците во значаен дел се поврзани со историјата) кои беа објавени на социјалните мрежи од 2017 година, па до април 2023 година. Всушност, на сите приложени текстови заедничка им е кратката форма, различните теми забележани како лични рефлексии и цитати. Книгата и текстовите не претендираат да бидат научен текст во областа на историјата, туку се записи на интересни историски теми, историски личности и историски настани за кои авторот сметал дека добро е да се знаат, па затоа и ги споделил.
Инаку, доктор Сузана Арбутина е една од најеминентните македонски пулмолози, вработена во Клиниката за пулмологија и алергологија во Скопје. Таа ги купила книгите „King Solomon's mines“ и „Vanity fair“.