(ФОТО) В сабота осветување на црквата Св. Јован Крстител во Аеродром

Добивај вести на Viber

Со голем црковно-народен собир, на 14 јуни (сабота) кој ќе трае од 9 до 12 часот, ќе биде осветен и отворен новиот црковен храм Свети Јован Крстител во Општина Аеродром, Скопје, изграден со донација на градежната компанија Адора Инженеринг и ктиторот проф. д-р Ванчо Чифлиганец. Осветувањето ќе го изврши поглаварот на МПЦ, Архиепископот Охридски и Македонски г.г. Стефан со митрополитите: брегалнички г. Иларион, тетовско-гостиварски г. Јосиф, кумановско-осоговски г. Јосиф, епископот Хераклејски г. Климент и повеќе свештеници на МПЦ, во присуство на ктиторот д-р Чифлиганец, градоначалници, претставници на државните институции, бизнис личности и голем број православни верници и граѓани на Скопје и Македонија. Новиот храм Свети Јован Крстител, кој две години се градеше на атрактивна локација, во паркот со авион во Општина Аеродром, на кејот на македонскиот Јордан-реката Вардар, е петкуполна црква со специфична, древна архитектура, а во комплексот има камбанарија, фонтана и парк. Свеченото отворање на црковниот храм Свети Јован Крстител во Општина Аеродром, Скопје, на кое се поканети сите граѓани на Македонија, ќе биде збогатено со културно уметничка програма со настапи на познати имиња од црковната, народната и забавната музика.