ФОТО: Запознајте ги најмладите милијардери во светот
Објавено во: Финансии 27 Март, 2017
Да, сигурно е одлично да си милијардер. Уште повеќе, кога си меѓу 20 и 30 години.
Такви се сите луѓе во оваа листа. Бидејќи тие се најмладите милијардери во светот.
Интересено е дека половина од нив сами го заработиле своето богатство, а не го наследиле од родители или блиски.
Во март 2017 година најмладиот милијардер во светот е 20-годишната Александра Андрес, а веднаш по неа е нејзината поголема сестра - 21-годишната Катарина. Двете поседуваат 1,2 милијарди долари, откако во 2007 година нивниот татко - Јохан Андрес, им го пренесе својот удел од Ferd Holdings, најголемата компанија во Норвешка.
Презимето Андрес акумулира богатство од тутун, како пра-пра-пра дедото на двете девојки ја базира најголемата компанија за цигари во земјата . Семејството ја продава во 2005 година за 500 милиони долари и парите се инвестираат во хеџ фондови и недвижности.
Најбогат во ова листа е еден од креаторите на апликацијата Snapchat - Иван Шпигел. ИПО на компанијата, која веќе го носи името Snap, му донесе богатство на вредност 5,3 милијарди долари. Не е лошо за 26-годишник.
Другиот коосновач на Snapchat - Боби Марфи, има 28 години, и исто така е во листата.
Snap Inc. стана јавна на 1 март 2017 година и доби 3,4 милијарди долари. Тоа и даде на компанијата пазарна оценка меѓу 19,5 и 22,2 милијарди долари.
Браќата Џон и Патрик Колисон пак ја создаваат апликацијата за мобилни плаќања Stripe. По последниот круг од финансирање од 150 милион долари во декември 2016 година, проценката на нивната компанија е 9,2 милијарди долари. И тоа ги направи милијардери.
Така на 26 години помалиот - Џон Колисон, е најмладиот „self madе“ милијардер во светот (кој сам го создал бизнисот). Тој ја зеде оваа "титула" од Иван Шпигел од Snapchat, кој е само два месеци поголем.
Постариот брат Патрик Колисон пак е на годините на Боби Марфи - 28.
Овие четири момчиња се единствените во светот четворица селф-мејд милијардери под 30-годишна возраст.
Еве и кои се Топ 9 најмлади милијардери во светот, подредени по возраст:
9. Ванг Хан, 29 години - 1,3 милијарди долари
Кинезот ја наследил оставнината од неговиот татко - авиокомпанија Juneyao Air.
8. Боби Марфи, 28 години - 4,8 милијарди долари
Тој е ко-основач на компанијата Snap Inc.
7. Patrick Collison, 28 години- 1,2 милијарди долари
Ирецот е поголемиот од двајцата браќа, кои го создале Stripe.
6. Лудвиг Теодор Браун, 27 години- 1,2 милијарди долари
Наследник е на германската компанија B. Braun Melsungen AG. Поседува 10% од акциите.
5. Ивон Шпигел, 26 години - 5,3 милијарди долари
Ко-основачот на Snap Inc. и до неодамна најмладиот „self made“ милијардер.
4. Џон Колисон, 26 години - 1,2 милијарди долари
Тој е помалиот брат од основачите на Stripe и најмладиот „self made“ милијардер во светот.
3. Густав Магнар Витсон, 23 години - 1,1 милијарди долари
Тој исто така е од Норвешка и поседува 47% од компанијата за развивање и одгледување на риба Ѕаlmаr АЅА, основана од неговиот татко, и еден од најголемите производители на лосос во светот.
2. Катарина Андрес, 21 години - 1,2 милијарди долари
Катарина е најголемата сестра Андрес, наследник на семејната инвестициска компанија Fеrd.
1. Александра Андрес, 19 години - 1,2 милијарди долари
Норвешката наследничка е најмладиот милијардер во светот.