(ФОТО+ВИДЕО) НЕВРЕМЕ ВО ГЕРМАНИЈА: Седум луѓе загинаа, делови од земјата во хаос
Објавено во: Свет 06 Октомври, 2017
Силно невреме ја зафати Германија и однесе жртви.
Најмалку седум лица загинаа во бурата Ксавиер, која донесе силни ветрови. Невремето вчера ја погоди северна и источна Германија, уривајќи дрвја и кранови и го прекина железничкиот сообраќај, јави ДПА.
Во Хамбург, едно дрво паднало врз автомобил во кој имало две жени. Едната жена загина, а другата е задржана во болница. Неколку возачи починаа од паднати дрва во провинцијата Мекленбург-Долна Померанија, во областа Бранденбург и во Берлин, каде исто така има повредени во невремето.
Железничкиот сообраќај во северна Германија беше блокиран поради паѓање на дрва на шините, соопштија од „Дојче Бан“. Одредени возови на исток на земјата не продолжија во сообраќајот, а со работа запре и градската железница Ес-бан во Берлин.
Пожарникарите во главниот град со аларм во 19 часот, беа повикани во Хамбург за да укажат помош на 800 различни локации. Силните ветрови со брзина и до 140 километри на час, вчера попладне го погодија северниот пристанишен град и потоа се пренасочија кон Берлин и провинциите Саксонија и Саксонија-Анхалт.
По кратка пауза во попладневните часови, аеродромите во Берлин повторно работеа во текот на ноќта.
Можеби ќе ве интересира
САКА ПОБЕДА ВО УКРАИНА СО МИНИМАЛНИ ЖРТВИ: Што друго планира новиот руски министер?
Бактериите отпорни на лекови можат да направат „Ковид-19 да изгледа ситно“
ВАКА ММФ ГО ГЛЕДА СВЕТОТ ДО 2026 ГОДИНА: Каде оди глобалната инфлација?
НОВИОТ ШЕФ НА КРИПТО ГИГАНТОТ ТЕТЕР СЕ ПОДГОТВУВА ЗА ГЛОБАЛНА АПОКАЛИПСА: Еве што се случува
(ВИДЕО) ИМА УАПСЕНИ: Израелски демонстранти ja расфрлаа помошта за Палестинците
ДРЖАВА ВО САД СИ ГО СМЕНИ ЗНАМЕТО: Која е причината?
УКРАИНА УАПСИ РУСИ: Планирале серија терористички напади во Киев
НОВИОТ РУСКИ МИНИСТЕР ЗА ОДБРАНА: Имаме хаос, војниците кои се враќаат ги праќаат во преполни болници
