ФРИДОМ ХАУС: Во друштво на кои земји е рангирана Македонија?

Добивај вести на Viber

Македонија е делумно слободна земја и е меѓу најлошо рангираните држави во Европа. 

Нашата земја има вкупно 57 поени на скалата од 0  до 100. Ова е наведено во најновиот извештај на Фридом Хаус. 

Во извештајот стои дека состојбата на Балканот се влошила во однос на изборните процеси како и со владеењето на правото.

Грција, Бугарија, Србија, Романија, Хрватска се во категоријата слободни земји.

Зад Македонија, во Европа, се рангирани Белорусија, Русија, Турција, Босна и Херцеговина и Косово.

Најслободните држави, со  резултат од 100 поени, се Норвешка, Шведска и Финска, а зад нив се Канада и Холандија кои добија по 99 поени.

Од организацијата регистрираат назадување во политичките и граѓанските права и кај голем број од „слободните“ држави, како Србија, Унгарија, Франција, САД, Бразил и други.

Регионите на Блискиот Исток и Северна Африка имаат најлоши рејтинзи во светот во 2016 година, а блиску до нив е и евроазискиот регион.

Извештајот на Фридом Хаус е насловен „Популисти и автократи: Двојна закана за глобалната демократија“ и одбележува 11 години последователен пад на глобалните слободи. 87 земји во светот го добија статусот „слободни, 59 „делумно слободни, додека 49 се означени како „неслободни“ држави.

Во последните 10 години најголеми падови во рангирањето се забележани во Централноафриканската Република, Турција, Гамбија и Мали. 

За Македонија и лани Фридом Хаус имаше критики за слободата на медиумите.