ФРИЛЕНСЕРИ РАБОТАТ ПО ЦЕЛИОТ СВЕТ: Заработуваат и по 500 долари за час
Објавено во: Финансии 10 Април, 2017
Тие се од Србија, а нивните работодавци се ширум светот и ги плаќаат дури и по 500 долари за час.
Дизајнираат интернет презентации, водат налози за социјални мрежи, преведуваат, проектираат, програмираат, пишуваат приказни, пуштаат музика или водат психотерапија.
Фриленсери на интернет ги нудат своите услуги, заработуваат по 10, 20, 30, а некои од нив дури и 500 долари за час.
Лани имало над 30 милиони евра кои фриленсерите во Србија ги заработиле на ваков начин, односно тоа се 69.000 просечни нето српски плати.
Овие хонорарци својата работа ја вршат од дома, на некоја платформа, а имаат и договор за работите кои ги вршат.
Платформата UpWork во 2014 година имала регистрирано 40.000 луѓе од Србија, а од целиот свет сега има над 12 милиони фриленсери.
Според некои проценки над 100.000 луѓе од Србија на ваков начин работат самостојно.