Функционер на ДУИ има објаснување зошто токму сега Бујар Османи е „оцрнет“ од СЈО
Објавено во: Македонија 12 Октомври, 2018
Ваљон Бела, кадарот на ДУИ како економски директор на Клиниката за гинекологија, изрази конспиративен став дека Бујар Османи, актуелниот вицепремиер и преговарач со ЕУ, сериозно ја загрузува претседателската партиска функција на Али Ахмети и токму затоа СЈО сега го одбрала момемтот да спроведе истрага под случајот „Пациент“
„Додека обвинетите на ВМРО од СЈО ги фаќаше паника, некогаш бегаа од земјата, а некогаш добиваа инфаркт, Бујар Османи одговара позитивно на „парадоксалното” барање на СЈО.
Велам парадоксално бидејќи оваа институција, Специјалното јавно обвинителство, беше институцијата која издаде документ (на почетокот на оваа Влада) дека сегашните министри не се дел од нивните истраги. За ова прашање, јас гледам поинаку. Некој се исплаши дека Бујар станува претседател на ДУИ…
Главата горе Бујар. Ние сме со тебе и вашето семејство на секој чекор и во секое време.
Запомнете дека тешкотиите нѐ прават посилни и посилни и поподготвени“, напиша Бела.
Засега мислењата, според коментарите под неговиот пост, се поделени. Некои напишаа дека со овој статус Бела му прави услуга на Османи затоа што овој му помогнал да стане директор.