29 Мај, 2024
0.0322

Габриел Бајрам ги избриша свадбените видеа од фејсбук, никој нема да ги контролира бројните гости што ќе дојдат од Турција

Објавено во: Македонија 18 Октомври, 2020

Добивај вести на Viber

Неколку пати ја одложувал свадбата на внуката, и на крај сепак решил да ја направи, но не во Македонија, туку во Турција. Сепак, поранешниот пратеник и претседател на Сојузот на Ромите Амди Бајрам, смета дека не ги прекршил законите во земјава.

Фактор вчера ја објави веста за свадбата на внуката на Бајрам, а го објавивме и видеото кое на фејсбук го сподели неговиот син Габриел Бајрам. На него се гледаше како бројните гости, дури 600, уживаат во веселбата. Всушност, беа споделени повеќе видеа и од свадбата, и од бродот каде се одржуваше веселбата. 

Но, денеска видеото не е достапно на фејсбук профилот на Габриел Бајрам. 

Сепак, Габриел споделил текст од порталот Гламур, на кој се фали убавината и стилот на внуката на Амди, Перјан, за која се вели дека предизвикала бројни контроверзи во јавноста. 

„Перјан Бајрам му е внука на еден од нашите најконтроверзни поранешни политичари и која на своите фотографии изгледа како вистинска принцеза... Перјан, која деновиве застана на лудиот камен и се заколна на вечна љубов на својот избраник Мекдедир. Но нивната свадба предизвика лавина од реакции на социјалните мрежи, не толку заради раскошот и гламурот, колку заради тоа што беше организирана на Босфорот и тоа кога во Македонија секојдневно бројките со новозаразените со опасниот корона вирус рапидно се зголемуваат. Но Амди немаше да биде Амди ако не го „надмудреше“ законот, а свадбата излезе попопуларна и од турските серии“, пишува порталот Гламур.

Инаку, снаодливиот Амди ја искористил моменталната законска регулатива која не забранува патување во Турција ниту пак е потребно обезбедување на било каков здравствен документ како потврда дека неговото семејство и гостите на свадбата се негативни на коровнавирусот. Тој за Фокус потврдил дека свадбената веселба се одржала на брод во Истанбул на која присуствувле 600 гости, од кои 370 се од Македонија. 

„Најважно е тоа што има свадба, а во исто време не ги прекршивме законите во земјава. Свадбата беше планирана долго но поради рестрикциите неколку пати беше одложувана. Мораме да ги почитуваме препораките на власта. Во никој случај не сакаме да биде загрозено нечие здравје“, рече Амди Бајрам.

Здравствените власти, за телевизија 24, изјавиле дека ако кој било државјанин на земјава е заразен со вирусот тогаш тој не може да ја напушти државата, а по враќањето нема законска можност на било кој начин да бидат санкционирани доколку со себе го донесат коронавирусот во земјава. 

„Нема законска можност за санкционирање на македонските државјани кои што се враќаат од патување во Турција затоа што во оваа земја е дозволено да се патува без никакви ограничувања а не постојат ниту ограничувања и контроли по враќањето од Турција за нашите државјани“, изјавил за ТВ 24 Шабан Мемети директор на Институтот за јавно здравје.

фото ФБ

Можеби ќе ве интересира

„Кабинетот ти е СЛУЖБА, ама ТИ одлучуваш“: Ванковска со нови критики кон претседателката - „пофер е да кажеш дека си згрешила“

„Кабинетот ти е СЛУЖБА, ама ТИ одлучуваш“: Ванковска со нови критики кон претседателката - „пофер е да кажеш дека си згрешила“

Даниела Колева: Упаднаа на 27 април за Талат Џафери, а сега го избраа Гаши

Даниела Колева: Упаднаа на 27 април за Талат Џафери, а сега го избраа Гаши

„ПРИКАЗНА КОЈА НИКОГАШ НЕМА ДА ЗАВРШИ“: Шилегов со сопругата во Венеција

„ПРИКАЗНА КОЈА НИКОГАШ НЕМА ДА ЗАВРШИ“: Шилегов со сопругата во Венеција

„ВО ПРАТЕНИЧКИТЕ КЛУПИ Е СЕДНАТ НАЈГОЛЕМИОТ ШЛАЈМ НА ВМРО-ДПМНЕ И ЗНАМ“: Најчевска застана на страната на „Левица“, вели во Собранието изнеле конкретни аргументи

„ВО ПРАТЕНИЧКИТЕ КЛУПИ Е СЕДНАТ НАЈГОЛЕМИОТ ШЛАЈМ НА ВМРО-ДПМНЕ И ЗНАМ“: Најчевска застана на страната на „Левица“, вели во Собранието изнеле конкретни аргументи

СТРАШЕН НАСТАН: Седумгодишно детенце било прегазено од малолетник на мотор во училишен двор

СТРАШЕН НАСТАН: Седумгодишно детенце било прегазено од малолетник на мотор во училишен двор

Блерим Беџети се откажа од градоначалник, за да биде пратеник

Блерим Беџети се откажа од градоначалник, за да биде пратеник

„Очекувам јасна изјава дека името на земјата е Северна Македонија“: Мицотакис повторно со барање до идниот премиер

„Очекувам јасна изјава дека името на земјата е Северна Македонија“: Мицотакис повторно со барање до идниот премиер

И КИЧЕВСКИ РАСПАЛИ ЗА НЕГОВИТЕ: Дечки ај по дома, доста беше!

И КИЧЕВСКИ РАСПАЛИ ЗА НЕГОВИТЕ: Дечки ај по дома, доста беше!

Битолчанец полово злоупотребил немоќно лице и снимал за Youtube

Битолчанец полово злоупотребил немоќно лице и снимал за Youtube