23 Март, 2019
0.2523
    ADIN 691    0%     ALK 8430.59    0.36%     GRNT 826.25    2.01%     KMB 5672.66    -0.24%     MKSD 211    -0.27%     MPOL 389    0%     MTUR 5030    -1.37%     RMDEN17 98    -0.28%     RZLE 18    -14.29%     STB 1180    -1.31%     STIL 112.87    -0.99%     UNI 2300.35    0%

(ГАЛЕРИЈА) Селмани: Полицијата да научи дека новинарите на протести не и се непријатели

Објавено во: Македонија, Галерија 12 Јуни, 2018

Полицијата треба да научи дека новинарите, кои известуваат од протести не и се непријатели, туку исто така професионалци на службена должност, кои треба да се заштитат ако бидат нападнати од учесниците во протестот. Таа заштита ја заслужуваат согласно домашното и меѓународното право. 

Ова го порача денеска претседателот на ЗНМ, Насер Селмани на отворањето на работилницата посветена на подобрување на безбедноста на новинарите за време на критични настани, во организација на ЗНМ, МВР, со поддршка на ОБСЕ. 

Селмани нагласи дека обуките за безбедност на новинарите за настани од висок ризик се заедничка заложба на ОБСЕ, ЗНМ и МВР со цел да се изградат институционални механизми за создавање побезбеден амбиент за новинарската работа. 

- Едногласни сме дека насилството врз медиумските работници е неприфатлива практика за една демократска земја. Како важен елемент во функционирање на демократските процеси тие имаат право да работат во амбиент без закани и притисоци. Нивната мисија за информирање на граѓаните и барање отченост од секоја влада нема да се исполни ако работат во услови на страв и несигурност, рече Селмани.

Изрази уверување дека состојбата со медиумите во Македонија значително ќе се подобри ако се стави крај политиката на неказнивост на нападите врз новинари.

Работилницата е дел од напорите за подобрување на соработката меѓу новинарите и полицијата, откако МВР и ЗНМ во декември минатата година потпишаа меморандум за соработка.

На рабтолницата раководителите на секторите за внатрешни работи заедно со новинарите детални ги анализираат проблемите со цел да се подобри комуникацијата меѓу нив и во иднина секој во својата сфера на дејствување да дава придонес за демократизација на општеството.

Министерот за внатрешни работи Оливер Спасовски истакна дека примарно за секое деморкатско општество е непречено работење на медиумите.

- За жал во последните неколку години бевме сведоци на бројни напади и притисоци врз новинари. Нема никакво оправдување за ваквите напади. Ставот на владата е јасен и постојано го повторуваме - нула толеранција за каков било обид за загрозување на слободата на говорот и изразувањето, рече Спасовски.

Од 1 јуни 2017 година до денес регистрирани се 12 случаи во кои е загрозена безбедноста на новинарите и сите 12 се расчистени од страна на МВР.

Насилството врз новинарите содржи повеќе аспекти, посочи в.д. амбасадор на ОБСЕ Џеф Голдстајн на отворањето на настанот.

Појасни дека насилството врз новинари не се само вербални и физички напади, туку и незаконски притворања, уништување имот, произволни рации во редакциите или во домот на новинарите, говорот на омраза, напади на социјалните мрежи и закани за сексуални напади врз новинари жени.

Мисијата на ОБСЕ, како што посочи Голдстајн од лани почнала повторно со активности во сферата на слободата на медиумите, со фокус на безбедноста на новинарите, поради тоа што сметаат дека новата влада ќе биде подготвена да соработува со новинарските здруженијата и меѓународните организации за подобрување на ситуацијата.

Последните две работилници денеска и утре се реализираат во Скопје, а претходно вакви работилници имаше во Охрид, Куманово, Штип, Струмица и Тетово. Обуките, меѓудругото, имаат цел да ги запознаат припадници на полицијата за важноста на улогата на новинарите за информирање на граѓаните за настани од висок ризик, како што се протестите. 



Можеби ќе ве интересира

Кривичен суд ја потврди одлуката за Стевчо Јакимовски

Кривичен суд ја потврди одлуката за Стевчо Јакимовски

ИЗВОР РАШЧЕ: Скопјаните ја сакаат само својата вода за пиење

ИЗВОР РАШЧЕ: Скопјаните ја сакаат само својата вода за пиење

Се трага по маж кој го однеле водите на Вардар

Се трага по маж кој го однеле водите на Вардар

ФОКУС НА ДЕНОТ: Договор за СЈО нема, реисот на ИВЗ се заканувал

ФОКУС НА ДЕНОТ: Договор за СЈО нема, реисот на ИВЗ се заканувал

Рускоска: Зијадин Села го има спасено еден од демонстрантите

Рускоска: Зијадин Села го има спасено еден од демонстрантите

Андов: Човекот не успеа да го спречи атентатот, а потоа го снема

Андов: Човекот не успеа да го спречи атентатот, а потоа го снема

Стојан Андов тврди дека Фрчкоски не ја прочитал книгата која судот ја забрани

Стојан Андов тврди дека Фрчкоски не ја прочитал книгата која судот ја забрани

Нема договор за СЈО меѓу власта и опозицијата

Нема договор за СЈО меѓу власта и опозицијата

Протест за Алими: Не може да биде осуден, а Муковски, Василевски и Арнаудов ослободени

Протест за Алими: Не може да биде осуден, а Муковски, Василевски и Арнаудов ослободени