ГАЛЕРИЈА: Заев: Ја добивме најголемата битка, битката за живот
Објавено во: Македонија 04 Декември, 2016 18:31
Претседателот на СДСМ, Зоран Заев вечерва од митингот во Скопје порача дека ја добиле најголемата битка и дека сиот труд, протести, мрзнење по улици, сите изодени километри вределе.
„Вие сте вистински херои. Нема херои без лузни. Тие лузни се потсетување на сите претрпени злодела и тие лузни се ветување дека никој од нас нема да се осмели тоа да му го направи на некој друг, затоа што знаеме како е. Вредеше. Ја добивме најголемата битка, битката за живот за секој наш граѓанин. Затоа денеска моето срце е полно, а во него има место за сите“ - вели Заев.
Вети бесплатно болничко летување за сите, подобар живот, повисок стандард.
Павле Богоевски кој е на листата на коалицијата на СДСМ, рече дека ќе го издржат секој нечесен и криминален удар кој ќе им го зададат.
„Секој наш сон е поголем од било која нивна болна и криминална амбиција. Никола, колку и да се трудиш да нè уништиш ние како плевел ќе никнеме од почвата и будно ќе ја браниме демократијата во нашата држава. Доста беше ние граѓаните да се плашиме од власта“- вели Богоевски.
Поранешниот амбасадор, Никола Димитров рече дека Македонија е „заробена држава“, а тоа го констатира и Европската комисија. Според него, земјата е брутално сиромашна, а партијата ВМРО-ДПМНЕ е брутално богата.
На митингот беше кажано дека ситни криминалци ги бркаат луѓето од родната земја и тоа не треба да се дозволи. Беше спомнато дека неспособни политичари уништуваат генерации.
ФОТО: ФАКТОР
Можеби ќе ве интересира
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
Надминат прагот на загадување во Центар, Гази Баба, Карпош, Лисиче и Ректорат, објавени мерки и препораки
Обвинителството со детали за предметот против Дардишта: Направиле злосторничко здружение, поведена истрага против 33 лица
СДСМ: ДПМНЕ–ЗНАМ со неуставна Резолуција сакаат да забранат дебата за вистината
