ГАРДЕРОБА, ФРИЗУРА, ШМИНКА: Колку трошат младите за да се спремат за матурската вечер?
Објавено во: Македонија 13 Мај, 2025 07:49
На матурантите им требаат неколку илјади денари само за купување на облека за прослава на матурската вечер, а дополнително младите ќе потрошат за чевли, шминка, фризура и слично. Некои веќе купиле гардероба за матурската вечер.
„Јас за фустанот дадов 200 евра. На женските ќе им требаат повеќе пари за да се спремат, за шминка, фризура, нокти. Шминката чини од 1.000 до 1.500 денари, зависи каде, нокти по 600-700 денари, фризура 1.000 денари, зависи каде, зависи каква фризура. Треба да се плати и за прослава во ресторан. Во мојот клас повеќето сме од скромни семејства, а некој можеби ќе сака да си дозволи и поголем луксуз“, рече Бојана Д. матурантка од Куманово.
Од бутиците велат дека женските најчесто купуваат фустани за прославата, а машките костуми.
„Фустани бараат како и секогаш. Долги, едноставни, црвената боја доминира. Стандардно ја сакаат таа боја. Последниве години некако нема луксуз. Скромно се облекуваат. Трошат до 4.000 или 5.000 денари за фустани“, објаснуваат од скопски бутик.
Од машки бутик во внатрешноста велат дека оваа сезона матурантите бараат костуми во потемна боја.
„Машките купуваат костуми. Повеќе ги сакаат темните бои, бараат сиви костуми. Нема нешто специјално. Секој си купува според можностите, а имаме костуми од 4.000, 5.000, до 8.000 или 12.000 денари“, додаваат од бутик во Штип.
Од град до град и од дуќан до дуќан, цените се различни.
„Зависи, шминка и фризура некаде чини по 50 евра, некаде 100 евра и повеќе. Кај мене има шминка за 1.000 денари, а фризура чини од 1.000 до 1.500 денари, зависи за што се работи. За нокти земаме од 800 до 1.500 денари“, велат од струмички фризерско-козметички салон.
Но, граѓаните раскажуваат дека ако некој сака да си дозволи луксуз, за матурската вечер може да потроши и неколку илјади евра, нешто за што повеќето немаат можности. Со матурата младите го слават завршувањето на средното образование. Освен прослава во рестораните, некои матуранти ќе слават и со трубачи, но и дома со блиските. Дури имало и случаи кога матуранти во земјава славеле со тапани и со ора. Во некои општини има и дефилеа на матуранти. Според податоците на Државниот испитен центар(ДИТ) во средните училишта оваа година има околу 15.000 матуранти.
Сања Атанасовскаfoto freepik.com
Можеби ќе ве интересира
ДАНЕЛА ПРОДОЛЖУВА ДА ГО ПОЛНИ ФЕЉТОНОТ, ОВОЈ ПАТ ОТИДЕ ВО ЧАИРЧАНКА, ПОКАЖА ЗГРАДА ОД 12 КАТА ЦЕЛОСНО ИЛЕГАЛНО ИЗГРАДЕНА: „Копаат булевар за на диво да се приклучат“
„ВЕЌЕ НЕМА ДА ИМА ПРИФАЌАЊЕ НА СЕ ШТО ЌЕ НИ СЕ СЕРВИРА НА МАСА“: Мицкоски вели успеале да го амортизираат ударот што некој сакал да го нанесе врз македонскиот идентитет и јазик
ВАЖНО ЗА ПОВРЕДЕНИТЕ ВО ПУЛС ВО КОЧАНИ: Утре доаѓа експерт по пластична хирургија
„СЕКОЈ ПОЧЕТОК Е ТЕЖОК, ОДНОВО ПОСТАВУВАШ ТЕМЕЛИ“: Мицкоски сублимираше што сработиле за една година
ЕМ ИЛЕГАЛНО ВЛЕГОЛ, ЕМ НЕЗАКОНСКИ ЛОВЕЛ РИБА: Уапсен албански државјанин, бил фатен во Охридското езеро
ВРЕДИ ВЕЛИ АЛБАНЦИТЕ СЕГА СЕ ЈАДРО ВО ДРЖАВАТА, АДЕМИ СО КОНТРАНАПАД: „Најболно е што Албанци се потпишани на законот за правична застапеност!“
Го загуби животот во пожарот во Кочани, но неговиот сон живее: Car show во чест на Ице Андонов
„Support Kocani“ обезбеди 4.070 силиконски лепенки за повредените во „Пулс“
ДАЛИ НАЈДОА РЕШЕНИЕ ЗА ПАРКИРАЊЕТО НА КЛИНИЧКИ? Дел од вработените ќе паркираат на дел од простор на „Лимак“
