ГАШИ ПУШТЕН НА ДОМАШНО ЛЕКУВАЊЕ: по дводневниот престој на Клиниката за дигестивна хирургија се огласи на социјалните мрежи

Добивај вести на Viber

Претседателот на Собранието Африм Гаши по дводневен престој на Клиниката за дигестивна хирургија денеска е пуштен на домашно лекување. 

Од Кабинетот на претседателот на Собранието информираат дека тој ќе продолжи со своите институционални активности во согласност со медицинските препораки. 

- Во врска со загриженоста за здравствената состојба на претседателот на Собранието, Африм Гаши, ја информираме јавноста дека по краткиот дводневен престој на Универзитетската клиника за дигестивна хирургија и по спроведувањето на сите потребни медицински прегледи, здравствената состојба на претседателот е добра и стабилна. 

Денес, Гаши е отпуштен од болница и ќе продолжи со своите институционални активности во согласност со медицинските препораки - стои во информацијата од Кабинетот на претседателот.

Оттаму изразуваат благодарност до директорот на Клиниката и до целиот медицински тим за професионализмот, грижата и посветеноста покажани за време на лекувањето.

По отпуштањето на Гаши од болница, и самиот со пост на социјалните мрежи се заблагодари до тимот на клиниката каде беше сместен. 

- Неколку дена по мојот престој на Универзитетската клиника за дигестивна хирургија, денес се чувствувам добро и, откако беа извршени сите потребни прегледи, отпуштен сум од болница. Благодарение на Бога мојата здравствена состојба сега е стабилна.

Пред два дена излезе веста дека Гаши е примен на клиниката, што предизвика голем интерес, особено поради недостиг на информации во привите саати од неговата посета на болницата. Подоцна Министерството за здравство сподели кратки информации за приемот на претседателот на Собранието.