Генерали Инвестментс: Клучните каматни стапки ќе останат непроменети

Добивај вести на Viber

Најновите податоци за инфлацијата од САД потврдија дека последната фаза од успорувањето на инфлацијата ќе биде многу потврд орев за кршење

Најновите податоци за инфлацијата од САД потврдија дека последната фаза на ублажување на инфлацијата ќе биде многу потешка отколку што беше брзиот пад од врвот до сегашните нивоа. И февруарскиот ценовен индекс CPI и показателот за приватна потрошувачка PCE беа малку над прогнозите на економистите, што благо ја зголеми нестабилноста на финансиските пазари минатата недела. Конкретно, вреднувањата на пазарот на обврзници малку се прилагодија на очекувањата дека сегашните економски податоци ќе го турнат првото намалување на основната каматна стапка во лето, а бројот на намалувања оваа година ќе биде помал од првичните очекувања. Од друга страна, поради подобрите очекувања за економски раст, главните берзански индекси се држат блиску до рекордни вредности, а со тоа и повисоки профити.

Клучните каматни стапки ќе останат непроменети на состанокот на ФЕД во март

Речиси е јасно дека американската централна банка ќе ги задржи клучните каматни стапки непроменети на состанокот во март оваа недела. И покрај фактот што општата инфлација во САД, мерена со CPI, не се намали од октомври, а базичната инфлација се намали за само 0,2% во овој период, пазарите на фјучерси го предвидуваат првото намалување на каматните стапки на состанокот во јуни. Гувернерот на ФЕД Џером Пауел, малку ја ублажи својата реторика на минатите состаноци и сосема искрено најави дека олабавувањето на монетарната политика е блиску. Затоа, инвеститорите ќе посветат уште поголемо внимание на тоа дали или како претставниците на ФЕД ќе ги приспособат своите позиции на најновите податоци за инфлацијата. Во светлина на тврдоглавата инфлација и значителната несигурност за монетарната политика во наредните месеци, S&P 500 повторно потфрли од акциите со помала капитализација, кои се почувствителни на каматните стапки во последните недели. Од друга страна, акциите на енергетскиот сектор се покажаа добро кога цените на нафтата пораснаа. На крилата на повисоките цени на златото, среброто, бакарот и некои други суровини пораснаа акциите на рударските компании. Точно една година по серијата неуспеси на регионалните американски банки, инвеститорите можат да бидат среќни со акциите од финансискиот сектор, кои добија повеќе од 25% од минатогодишната банкарска криза. Во рамките на групата на т.н величествени седум, највеличествени остануваат приносите на Nvidia, помалку спектакуларни, но сепак стабилни беа и акциите на Microsoft, Meta, Amazon и Alphabet од недела во недела. Изминатите неколку месеци беа помалку розови за акционерите на Apple. Се чини дека калифорнискиот гигант го исцрпи потенцијалот да ја прошири продажбата на своите клучни постоечки производи, предводени од iPhone, а предвидувањата за тоа колку компанијата ќе биде успешна во монетизирањето на новите технолошки откритија (особено во областа на UI) засега се неизвесни. Покрај тоа, Apple се бори со зголемените регулаторни пречки. Акциите на Apple се за околу 10% пониски од рекордот поставен во декември минатата година. Акциите на последниот од елитните седум американски технолошки гиганти, Тесла, веќе се повеќе од 50% пониски од највисоката вредност постигната во 2021 година.

Последиците од повисоките каматни стапки, со зголемувањето на трошоците за градежништво и енергија и падот на побарувачката поради работа од дома, се повеќе влијаат на европскиот пазар на комерцијални недвижности

Последиците од повисоките каматни стапки, во комбинација со зголемените трошоци за градежни работи и енергетски производи и падот на побарувачката поради зголемениот обем на работа од дома, се повеќе се рефлектираат врз европскиот пазар на комерцијални недвижности. Првата жртва од висок профил на кризата беше австриската Signa, која банкротира минатиот декември. Минатата недела германскиот гигант за недвижности Vonovia објави полоши деловни резултати, но во исто време најави дека претстојат подобри времиња за станбените недвижности. Некои компании за недвижнини, особено во Германија и Скандинавија, се очекува да се соочат со значителни проблеми со рефинансирање на долгот во наредните месеци. Со слични проблеми се соочуваат и во САД, каде проблем е првенствено големата пропорција на празни канцеларии. Кризата веќе има негативно влијание врз билансите на некои банки, но нивото на изложеност на системски значајните финансиски институции на овој сегмент од економијата засега не претставува прекумерен системски ризик. Банките имаат високи стандарди за адекватност на капиталот по кризата во 2008 година, остваруваат рекордни профити поради разликата во каматните стапки и како резултат на тоа се многу поотпорни на вакви шокови отколку во минатите кризи.

Јапонските синдикати постигнаа зголемување од 5% на просечната плата во годишните преговори со компаниите

Откако јапонските синдикати обезбедија зголемување од 5% на просечната плата во годишните преговори со компаниите, сите индикации се дека Банката на Јапонија ќе стави крај на 8-годишниот период на негативни каматни стапки. По долг период на многу ниска, често негативна, инфлација, јапонските креатори на политики се надеваат дека повисоките плати ќе ја стимулираат домашната потрошувачка и со тоа хронично стагнантниот економски раст. Но, мерките на фискалната и монетарната политика нема да ја решат најголемата пречка, а тоа е демографијата или брзото намалување на работоспособното население.

СОВЕТИ ЗА ИНВЕСТИТОРИТЕ

Централните банки продолжуваат да ги држат пазарите во неизвесност бидејќи намалувањата на каматните стапки се оддалечуваат, но технолошките мегатрендови ја одржуваат берзата привлечна за инвеститорите. Пазарите на капитал очекуваат побрзо и поголемо намалување на каматните стапки отколку што предвидуваат централните банки, а тоа се оправдува со макроекономските податоци. Овој јаз во прогнозите и очекувањата претставува ризик за пазарите и може да донесе корекции на истите. Светската економија останува на патеката на раст, но економската активност е многу нерамномерно распоредена низ светот.

Пазарите на капитал ќе бидат под поголемо влијание на претстојните претседателски избори во САД. Конкретно Трамп веќе ја вознемирува јавноста надвор од САД со своите најави за значително поизолационистичка политика и нови трговски ограничувања, особено во односите со Европа. Сите три работи, политиката на централната банка, претстојните избори и слабиот економски раст во некои региони носат неизвесна прва половина од годината на пазарите на капитал, што ќе можат да ја искористат инвеститорите кои знаат и умеат да гледаат надвор од краткорочните флуктуации. Долгорочните технолошки, економски и социјални трендови остануваат клучни.

Глобално диверзифицирано портфолио со комбинација од акциски и комбиниран фонд како што е Генерали Америка и Генерали Топ Брендови и паричниот фонд Генерали Кеш Депозит, е најдобриот одговор на предизвиците што ги носи 2024 година. Комбинацијата на вложувања во обврзници и акции во моментов ја претставува вистинската комбинација на принос и безбедност. Одржуваме диверзифициран пристап со периодични зголемувања на инвестициите. Низ историјата, ова се покажа како најдобриот пристап, бидејќи го избегнува ризикот од купување на инвестицијата на врвот.

Здравството останува поволно вреднувано, а во исто време се поврзува со некои добри приказни, како што е влез на вештачката интелигенција во здравството и лекот за дебелина. Технолошките акции, особено на големите светски компании, остануваат високо вреднувани и се почесто го слушаме зборот меур. Технологијата претставува натпросечен раст во структурата на целиот пазар и на тој начин ја одржува инвестициската атрактивност, додека во исто време вреднувањата не се на нивоата што ги видовме во минатите меури. Околу фондот Генерали БРИК, одржуваме шпекулативна препорака за купување бидејќи сè уште веруваме дека кинеската централна влада ќе биде принудена да направи многу повеќе за да ги смени лошите економски трендови и пазарот брзо и силно ќе реагира на оваа вест. Последните движења покажуваат дека дека сме во процес на формирање на дното бидејќи макроекономските податоци донекаде се подобруваат, иско како и довербата на потрошувачите. Во последните денови видовме и нешто пошпекулативни набавки на поединечни кинески инвестиции.