ГЕРИЛА АКЦИЈА ВО БИТОЛА ЗА „ХОМОФОБИОЛ“: Реакции за билбордите со фиктивен лек

Добивај вести на Viber

Деновиве во Битола се случи уметничка герила акција. На три локации беа поставени билборди со фиктивен лек #Хомофобиол кој според авторот на делото ја лечи и најтврдокорната хомофобија и трансфобија. Авторите на герила акцијата се непознати.

Настанот го искоментира професорката Каролина Ристова Атеруд на Фејсбук. 

„Ете, ова го добиваш кога не знаеш или не ја разбираш историјата, не можеш да го видиш крајниот цинизам, иронијата, перверзијата, а богами и опасната плиткоумност на една ваква „кампања”. Да бидат работите посериозни, истата е израз на убеденост и гледиште, цела една матрица на мислење, сум ја сретнала и досега, а тие што ја фураат мислат дека се многу „прогресивни“, ма со каменот на мудроста во рацете. Па уште, гледам, линкот долу се споделува како нешто за фалење и за гордеење, како нешто позитивно, како нешто што е исправниот начин и со исправната порака.  Ах лелеее... Ај да им аргументирам зошто не е така, туку е обратно, и се другото што пишав погоре. Своевремено, во не баш толку далечно минато, а некаде по светот се уште е така,  хомосексуалноста се прогласувала за болест и/ли изопаченост, па се измислувале разно -разни апчиња, па „терапии за конверзија“, нормално, за во хетеросексуалност (негде ни тоа, нема што да се лечи, треба да се елиминира), неретко со сурови последици по личноста и животот на хомосексуалците, со буквално одземање животот од нивните души и очи (на пример, со лоботомирање), неретко и со нивно претворање во “билки”“, пишува таа. 

ЛГБТИ Центар за поддршка ги објави фотографиите од Битола.