Германија и Франција бараат да не се менува европскиот земјоделски буџет

Добивај вести на Viber

Германија и Франција се договорија буџетот за земјоделство на Европската унија да остане на сегашното ниво. Вака се договориле двајцата министри за земјоделство на овие држави, Илзе Аигнар и Стефан Ле Фол. Германија е најголемиот придонесувач во европскиот буџет, додека Франција е најголемиот корисник на земјоделските субвенции во рамките на Заедничката земјоделска политика, која денес преставува околу 40 отсто од вкупниот буџет на унијата. Ваквата одлука доаѓа во вистински момент, бидејќи веќе следната недела европските министри ќе имаа состанок во Брисел на кој ќе се разговара за повеќегодишната финансиска рамка на унијата во перидот од 2014 до 2020 година. Министрите Аигнар и Ле Фол, изразија несогласување во врска со предлозите на некои европските членки, за намалување на средства од првиот столб, кои се однесуваат на поддршка на земјоделците преку директните плаќања, при тоа порачувајќи дека ќе се сложат единствено ако предлозите бидат разумни. Инаку Брисел предложи систем за намалување на разликите меѓу земјоделците, во однос на директните плаќања во Западна и Источна Европа. Бидејќи Франција добива најголем дел од средствата, нејзините фармери може да загубат до 7% од парите, според предлогот на Европската комисија.