Германски „Bosch“ обвинет за соучесник на Volkswagen

Добивај вести на Viber

Американските правници, кои водат дела против „Volkswagen Goup“ поради манипулациите со дизел мотори на концернот, ќе покренат обвиненија на уште една германска компанија - „Bosch“.

Таа ќе биде заведена под судска одговорност за соучесништво во кривично дело пренесе Ројтерс. Документите веќе се поднесени во окружниот суд на Сан Франциско, и тие содржат докази дека во „Bosch“ знаеле за манипулациите од страна на „Volkswagen“.

Се тврди дека токму фирмата „Bosche“ ја развила шемата, благодарение на која германскиот автопроизводител успеал со години да го заташкува нелегалното исчитување на дизел моторите.

Од компанијата за автомобилски компоненти веќе најавија дека нема како да носат одговорност за тоа што производителите ги користат нејзини производи за своите возила. Претставник на „Bosch“ додаде дека неговите колеги целосно соработуваат со властите.

Засега целата документација за учество на компанијата во скандалот со манипулациите на мотори е под закрила на разузнавачките органи.

Познато е само дека во Bosch биле свесни какви методи се користат за да бидат измамени контролните органи и давале целосна поддршка на Volkswagen. Претставници на автомобилскиот концерн исто се воздржуваат од коментари.

Досега германскиот производител одвои над 15 милијарди долари за отстранување на штетите од скандалот кој го доби името „Дизелгејт“. Се очекува оваа сума да се зголеми.