ГЕРМАНСКИ МЕДИУМИ: Европа е буре барут, Балканот е фитилот, а Македонија ...

„Не можеме трајно да живееме мирно и стабилно во Европската унија, доколку ги зпаоставиме нашите залагања за демократија, стабилност и безбедност на Западен Балкан“, рекол за Велт социјадемократот Мајкл Рот, државен секретар во Министерството за надворешни работи на Германија.

Весникот, како пренесува Дојче веле, наведува дека се отвораат пукнатините во Дејтонската спогодба од 1995 година, која после тригодишната војна конечно донела мир, но не и решение.

„Срби, Хрвати и Бошњаци се притворени во компликувана настроеност на заедничката држава, која не функционира и која никој не ја гледа како конечно решение“, наведува весникот и додава дека единствено перспектива на проширувањето на ЕУ дада надеж, но дека во самата ЕУ за проширување нема волја.

За Македонија, весникот пишува дека освен акутната политичка криза ја мачи и хронична блокада на Грција поради името.

„Осум години во Скопје чекаат на отворање на престапните преговори. Тоа е тронка надеж за економски слабата земја во која 27,5 отсто од луѓето не се вработени. Но состојбата е безнадежна, а две години Македонија ја тресе внатрешно политичка криза. Скандалот со прислушување, изборни измами, сепосилен притисок на опозициските медиуми и независни судии, Влада која ја граба моќта и е корумпирана-тоа се најголеми проблеми“, заклучува Велт.