Ги блокираат телефоните на тие што не сакаат да се вакцинираат
Објавено во: Свет, Корона Вирус 19 Јуни, 2021
Во Пакистан ги блокираат телефоните на тие што не сакаат да се вакцинираат.
Луѓето во најнаселената провинција во Пакистан ги преплавија центрите за вакцинација против Ковид-19 неколку дена откако властите во Пенџаб се заканија дека ќе ја блокираат услугата за мобилни телефони.
Се одржа состанок на здравствените власти во најнаселената провинција Пенџаб во Пакистан, со кој претседаваше министерот за здравство Јасмин Рашид, на кој е заклучено дека вакцинацијата мора да се забрза.
По првичниот план за вакцинирање на повеќето од 67 милиони жители на Пенџаб до крајот на годината, владата успева да вакцинира само 52.000 луѓе на ден. Многумина сметаат дека причина за тоа е слабата информираност на Пакистанците за важноста на вакцината или загриженоста за можни несакани ефекти, наведува РТЛ.