„ГИ ОПОМЕНАЛА БРЕ, НЕ МИ СЕ ВЕРУВА“ - Најчевска со жестока реакција откако Грковска се огласи за функционери на ДУИ

Добивај вести на Viber

Професорката Мирјана Најчевска на својот фејсбук профил со силна критика за самата министерка за борба против корупцијата Славица Грковска. Тоа следува откако Грковска денеска изјави дека изрекла опомени за функционерите на ДУИ за користењето службени возила. 

„Ги опоменала бре. Не ми се верува. За прекршување на Изборниот и Кривичниот законик следи опомена ако си функционер од редовите на ДУИ. Е навистина забегавте“, пишува Најчевска на својот фејсбук профил. 

Ова следува откако вицепремиерката за борба против корупцијата Славица Грковска соопшти дека изрекла опомени за вицепремиерот и министер за политички систем Артан Груби, но и за шефот на дипломатијата Бујар Османи и пранешниот министр за животна средина Насер Нуредини, поради користење службени возила за партиски цели, врз основа на документација од Антикорупциска. Освен за овој случај, за играњето фудбал во просториите на министерството за политички систем со кое раговоди Груби, Грковска рече дека не е начин на кој функционерите треба да се однесуваат туку да имаат повеќе сензибилитет каква слика оставаат пред граѓаните.

„Морам да признам дека тоа не беше добро прифатено од јавноста. Не сметам дека тоа е начин на кој што функционерите би требало да се однесуваат. Сметам дека треба да се има малку повеќе сензибилитет за тоа како функционерите треба да се однесуваат и каква слика даваат пред граѓаните“, рече Грковска.