30 Мај, 2024
0.0317

Го дерат ли приватните фирми РЕК Битола за ископ на јаглен и јаловина?

Објавено во: Економија 22 Октомври, 2018

Добивај вести на Viber

РЕК Битола нема сопствена механизација и во тек е тендер на кој сака да купи 44 машини за копање и транспорт на јаловина и јаглен и нивната планирана вредност е 19 милиони евра. Со тоа ќе запре праксата на ангажман на туѓи машини и персонал. РЕК Битола од почеток на годинава плаќа 20 милиони евра, а низ минатите седум години плати повеќе од 100 милиони евра за вакви услуги. Ако набавка на 44 машини потребни за обемот на работа во РЕК е проценета на 19 милиони евра колкави се реално профитите на фирмите кои го работат тоа за РЕК Битола? Дали тие реално си конкурираат на тендерите за ископ? Има ли тука картелско здружување? И конечно дали државните органи на прогонот можат да ја расчистат „прашината“ доколку таква се крева со тендерите во РЕК Битола? Може ли Регулаторна комисија за енергетика да провери колку се реални трошоците на РЕК Битола за ископ на јаглен и јаловина?

Најголемиот македонски производител на струја РЕК Битола распиша тендер за набавка на 44 машини за ископ и за транспорт на јаглен и јаловина за потребите на термоелектричната централа во Битола. „Фактор“ во интерес на целосно и објективно информирање на јавноста побара информации за тоа во која фаза е тендерот. Од ЕЛЕМ и од РЕК Битола добивме исцрпен и објективен одговор во кој објаснуваат дека до сега постапката се уште е во фаза на технички дијалог, прва фаза,во која сите заинтересирани економски оператори (фирми) можат да дојдат во ЕЛЕМ и да поставуваат прашања и забелешки со евентуални барања за измени во тендерската документација. Кажуваат дека 13 заинтересирани домашни и странски фирми учествуваат во тој технички дијалог. Нивните прашања, сугестии и предлози се многубројни и уште се разгледуваат. Паралелно со ова РЕК Битолаврши и дополнително истражување на пазарот согласно забелешките дадени при техничиот дијалог, кои доколку се прифатат, може да имаат значително влијание врз вкупните потребни средства планирани за реализација на оваа јавна набавка. Нема конкретен одговор за колку време РЕК Битола ќе може да набави нова механизација.
Во одговорот пишува дека долго време не била спроведена јавна набавка од ваков тип во која се купуваат 44 нови машини и потребно е таа да се спроведе со добра претходна организација на процесот. Набавката опфаќа:  8 хидраулични багери-ровокопачи, 9 булдожери, 2 грејдери,3 автодигалки, 3 утоварувачи, 2 комбинирани градежни машини-скипови, 4 телескопски чистачи на транспортни ленти, 2 цистерни за вода, 3 товарни возила со хидраулична рака за кревање и превоз на товар и 8 камиони-дампери со носивост од 30 тона. Во одговорот на РЕК Битола пишува , цитираме: Ова е целата помошна механизација што му е потребна на РЕК Битола за да не ангажира повеќе надворешна механизација.

Кој доби тендери во РЕК Битола за 20 милиони евра?

Според официјалната евиденција на јавни набавки за потребите на РЕК Битола достапна на агрегаторот за вести time.mk од почетокот на годинава до сега 6 фирми склучиле договори со кои од нив ќе биде ангажирана механизација и кадар за ископ и транспорт на јаглен и на јаловина. Битолски „Пелистер“ има два договори за ископ на јаглен и јаловина вредни 8,63 милиони евра, битолската фирма „Марковски компани“ има два договори од кои едниот е за услуги од градежна механизација на повик од РЕК и другиот е за ангажман на механизација за ископ на јаловина во „Суводол“ и тие вредат 5,3 милиони евра. „Гранит“ има еден договор за ископ на јаловина вреден 1,28 милиони евра, скопската фирма „МИС Комерц“ има еден договор за услуги од градежна механизација вреден 3,7 милиони евра, а битолски „Рубитон“ има договор за ископ на јаловина вреден 1,185 милиони евра, а „Руд Коп“ од Битола има договор за помошна механизација за потребите на РЕК вреден 0,58 милиони евра.

Р.Ф.

Можеби ќе ве интересира

ФАКТОР ИСТРАЖУВА: Сватовите на Али Ахмети со најголеми добивки од бизнисите во Кичево

ФАКТОР ИСТРАЖУВА: Сватовите на Али Ахмети со најголеми добивки од бизнисите во Кичево

ЗЛАТНАТА КОКОШКА НА ФАРМАЦЕВТСКАТА ИНДУСТРИЈА - продажбата на овие лекови ќе надмине 150 милијарди долари

ЗЛАТНАТА КОКОШКА НА ФАРМАЦЕВТСКАТА ИНДУСТРИЈА - продажбата на овие лекови ќе надмине 150 милијарди долари

На спектакуларен настан, „Тиквеш“ ги претстави вината од брендот „Луда Мара“

На спектакуларен настан, „Тиквеш“ ги претстави вината од брендот „Луда Мара“

ШТО Е ПРИОРИТЕТ: „Хотели Метропол“ намени за инвестиции најголем дел од добивката, 415 илјади евра

ШТО Е ПРИОРИТЕТ: „Хотели Метропол“ намени за инвестиции најголем дел од добивката, 415 илјади евра

АДСПД СТОПАНИСУВА СО 1.171 ОБЈЕКТИ И ОД НИВ 51 ПРОЦЕНТ НЕ Е ИЗДАДЕН ПОД ЗАКУП: Ревизија излезе со извештај за стопанисувањето со станбен и деловен простор

АДСПД СТОПАНИСУВА СО 1.171 ОБЈЕКТИ И ОД НИВ 51 ПРОЦЕНТ НЕ Е ИЗДАДЕН ПОД ЗАКУП: Ревизија излезе со извештај за стопанисувањето со станбен и деловен простор

КАКО СВЕТОТ ЗАПАДНА ВО ДОЛГ ОД 315 ТРИЛИОНИ ДОЛАРИ? Секој од нас должи 39.000 долари

КАКО СВЕТОТ ЗАПАДНА ВО ДОЛГ ОД 315 ТРИЛИОНИ ДОЛАРИ? Секој од нас должи 39.000 долари

НОВОГОДИШНИ БОНУСИ, ВИСОК К15, ДЕЛ ОД ДОБИВКА НА СМЕТКА - која е компанијата што има олку среќни вработени, а има и богати награди за менаџерите

НОВОГОДИШНИ БОНУСИ, ВИСОК К15, ДЕЛ ОД ДОБИВКА НА СМЕТКА - која е компанијата што има олку среќни вработени, а има и богати награди за менаџерите

ЕВРОПА ВРБУВА 11 МИЛИОНИ ТУРИСТИЧКИ РАБОТНИЦИ - сепак, платите не се доволни, па имаат и втора дејност

ЕВРОПА ВРБУВА 11 МИЛИОНИ ТУРИСТИЧКИ РАБОТНИЦИ - сепак, платите не се доволни, па имаат и втора дејност

ЕВЕ КАКО СЕ ПРОДАВАА НАЈГОЛЕМИТЕ ЈУГОСЛОВЕНСКИ ГИГАНТИ НА БАЛКАНОТ: Прво беше подготвен теренот со светските сили

ЕВЕ КАКО СЕ ПРОДАВАА НАЈГОЛЕМИТЕ ЈУГОСЛОВЕНСКИ ГИГАНТИ НА БАЛКАНОТ: Прво беше подготвен теренот со светските сили