22 Септември, 2023
0.0236

Го користиме за многу јадења, но него го снемува на нивите и ќе биде поскап

Објавено во: Економија, Агробизнис 18 Август, 2023

Добивај вести на Viber

Кромидот е неизбежен дел од многу македонски јадења. Бучин е крушевско село познато по долгата традиција на производство на кромид. Но, површините засадени со кромид сега се многу помали од порано.

Причините зошто е така се добро познати, а тоа е дека младите се иселуваат, старите не можат да работат и проблем е пласманот. Ана Пачешкоска, директорка на основното училиште „Свети Кирил и Методиј“ во Бучин, се занимава со земјоделство и вели дека денес секоја десетта куќа во селото сади кромид, а тоа е многу помалку од претходно. Објаснува дека трошоците за производство се зголемени, мораат да прскаат, а за разлика од порано кога се работело рачно, со мотика и наводнувале од реката, сега користат машини и систем капка по капка. Но, тоа си повлекува плус трошоци. Како што додава, сега кромидот го откупуваат на големо за 30 до 40 денари за килограм. Таа вели дека килограм не треба да падне под оваа цена за да им се исплати трудот.

„Ние садевме 4 декари, а сега имаме 2 декари со кромид и на таа површина се раѓаат 10 тони кромид. Селото има околу 280 aктивни куќи, зборувам за постојани жители, но има и луѓе кои живеат во Прилеп или Битола, а садат кромид во селото. Има и жители кои воопшто не садат кромид. Младите го избегнуваат земјоделството, затоа што оваа работа е потценета. Пред 10 години се произведуваа 4.000 тони, а денес околу 400-500 тони“, вели Пачешкоска.

Објаснува дека и во училиштето каде таа е директорка, одбележуваат Ден на кромидот.

„Во декември одбележуваме Ден на кромидот, при што родителите на децата подготвуваат специјалитети со кромид. Има богата трпеза, јадења кои вклучуваат кромид, месено, јадења со компир, со месо и слично. Целта е децата да научат повеќе за традицијата на селото“, вели директорката.

Се споменува дека во 1910 година во селото почнал да се произведува бучинскиот кромид. Изминативе години се случуваше град да ги оштети насадите по нивите. Земјоделската работа многу зависи од временските услови.  Ако ги погледнеме статистичките податоци на Државниот завод за статистика(ДЗС) на годишно ниво во земјава се произведуваат над 50.000 или нешто над 60.000 тони кромид. Во 2012 година имало послабо производство од 43.732 тони, а во 2016 се произведени 60.958 тони кромид. Просечниот принос по хектар варирал од 12.000 до 17.000 килограми. Минатиот месец на пазарите низ Македонија кромидот чинеше и до 80 денари за килограм.

Сања Атанасовска

foto freepik.com

Можеби ќе ве интересира

Албанските работници земаат ниски плати, но работат по 43,7 часа неделно

Албанските работници земаат ниски плати, но работат по 43,7 часа неделно

Претседателот на Клубот на извозници учествуваше на Самитот за глобална трговија во Дубаи

Претседателот на Клубот на извозници учествуваше на Самитот за глобална трговија во Дубаи

АКО ХРВАТИТЕ НИ ГИ ВРАТАТ ПИПЕРКИТЕ СО ПЕСТИЦИД - нашата Агенција за храна ќе ги уништува на безбеден начин

АКО ХРВАТИТЕ НИ ГИ ВРАТАТ ПИПЕРКИТЕ СО ПЕСТИЦИД - нашата Агенција за храна ќе ги уништува на безбеден начин

ПОТРОШУВАЧИТЕ ДА ПРИЈАВАТ ДО ПАЗАРНА ИНСПЕКЦИЈА АКО ОТКРИЈАТ НЕНАМАЛЕНИ ЦЕНИ - Бектеши задоволен како тече мерката

ПОТРОШУВАЧИТЕ ДА ПРИЈАВАТ ДО ПАЗАРНА ИНСПЕКЦИЈА АКО ОТКРИЈАТ НЕНАМАЛЕНИ ЦЕНИ - Бектеши задоволен како тече мерката

ДОБРИ ВЕСТИ ЗА РАБОТНИЦИТЕ: Ќе се покачи минималната плата за десет отсто, еве ги деталите

ДОБРИ ВЕСТИ ЗА РАБОТНИЦИТЕ: Ќе се покачи минималната плата за десет отсто, еве ги деталите

„ЧЕБРЕН“ НЕМА ДА ДОНЕСЕ СВЕЖИ ПАРИ ЗА ДРЖАВАТА: Македонија да има предност за користење на електричната енергија

„ЧЕБРЕН“ НЕМА ДА ДОНЕСЕ СВЕЖИ ПАРИ ЗА ДРЖАВАТА: Македонија да има предност за користење на електричната енергија

КАМАТИТЕ ИМ СЕ ПРЕВИСОКИ, СТАНОВИ ЌЕ НЕМА - германска компанија го запира производството на 60 илјади станбени единици

КАМАТИТЕ ИМ СЕ ПРЕВИСОКИ, СТАНОВИ ЌЕ НЕМА - германска компанија го запира производството на 60 илјади станбени единици

ЈАПОНСКИОТ ГИГАНТ ТОШИБА ЈА НАПУШТА БЕРЗАТА ПО 74 ГОДИНИ: Завршено преземањето накомпанијата

ЈАПОНСКИОТ ГИГАНТ ТОШИБА ЈА НАПУШТА БЕРЗАТА ПО 74 ГОДИНИ: Завршено преземањето накомпанијата

ГЕРМАНСКИОТ ЛИДЛ СТАРТУВА СО ГОЛЕМИ ПРОМЕНИ - исфрла дел од производите од својата понуда

ГЕРМАНСКИОТ ЛИДЛ СТАРТУВА СО ГОЛЕМИ ПРОМЕНИ - исфрла дел од производите од својата понуда