Го поминав вирусот, не ја добив битката, од каде да најдам пари за лековите: Исповед на гевгеличанецот Рујковски

Објавено во: Македонија 16 Декември, 2020
25-дневната борба со крона вирусот на гевгеличанецот Перо Рујковски не завршува на Интерното одделение во Клиничката болница во Гевгелија. Откакао е излекуван од Ковид-19 и отпуштен од болницата, борбата на Рујковски продолжува во насока на набавка на лекарствата кои му се препишани од лекарите за целосно закрепнување на неговиот организам.
За Фактор вели дека терапијата е скапа, а бидејќи не е вработен, нема како да си ги обезбеди лековите.
-И јас сум еден од многуте кои директно се соочија со оваа страшна болест. Морам да кажам дека навистина ги почитував сите мерки за заштита од корона вирусот, но бидејќи мојата сопруга е лице со инвалидитет, а имаме пет деца, јас сум тој што мора да ги завршува сите работи. И да пазарам, и да одам по други набавки и децата да ги снабдам со сè што треба. Веројатно, некое мое мало невнимание беше доволно да се заразам. Здравствената состојба ми стана толку тешка што мораа да ме хоспитализираат. Имав обилна пневмонија и цели 25 дена останав на лекување во гевгелиската болница. За терапијата и лековите што да ви кажувам. Секојдневно примав по цела рака лекарства и инфузии. Во мојот случај се покажа дека сè беше делотворно и успеав да го надминам најтешкото. Бев испишан на 9.декември и сега тоа е минато. Сега имам друг проблем, а тоа е што не можам да си ги купам лекарствата кои се уште морам да ги пијам, прескапи се, посочува 47-годишниот Рујковски кој се обрати до редакцијата на Фактор.
По излегувањето од болница Рујковски се уште прима антибиотици, односно Моксирал, кој не се дава лекарски рецепт, во терапијата му е вклучен и Фавипиравирот, антивирусниот лек, кој е доста поскап, како и останати лекови за заштита на црниот дроб, пробиотици, и останата витаминска терапија.
-И после цела недела како сум дома, уште чувствувам стегање и болки во градите. Лекарите велат дека оваа терапија никако да не ја прекинувам. Освен тоа, добив и дијабетес и тоа за време на престојот во болница. Го одржувам нивото на шеќерот со инсулинска терапија, инаку гликемијата во крвта ми беше 23. Пред да се разболам од Ковид-19 немав дијабетес, вели Рујковски.
Обраќајќи се до Фактор, Рујковски замолува за хуманост од страна на граѓаните да му помогнат да ги купи лекарствата и докрај да ја извојува битката со корона-вирусот.
-Сигурно не сум единствен. Постојат и други граѓани кои сигурно бараат начини како да си ги набават потребните лекови. Јас сум оставен сам на себе, немам од кого да побарам помош, вели гевгеличанецот, кој испрати и фотографии од лекарствата кои треба да ги купи.
На оваа сметка граѓаните може да ја покажат нивната хуманост
А.Б.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Деребан: Косово не знае каде е Груби, не сме контактирале со нив

ДСЗИ ПРЕДЛАГА СТРУЧЕН НАДЗОР ПО СМРТТА НА БЕБЕТО - проблемите на клиниката не биле решени

КОЈА Е НОВАТА ДИРЕКТОРКА НА АГЕНЦИЈАТА ЗА ФИЛМ? Од 2011 е дел од Агенцијата

КАВАДАРЦИ, СТРУМИЦА, ШТИП, ВЕЛЕС И КИСЕЛА ВОДА ТРОШАТ НАЈМНОГУ НА ЗАБАВА - истражувањето откри дека не го применуваат Законот за јавни набавки

СКОПСКА КОМПАНИЈА СЕ ТОВАРИ ЗА ДАНОЧНО ЗАТАЈУВАЊЕ ОД НАД 320 ИЛЈАДИ ЕВРА - кривична пријава заработи и управителот

„ВО КРИТИЧНИОТ МОМЕНТ КАМЕРИТЕ 'СЛУЧАЈНО' НЕ РАБОТЕЛЕ“: СДСМ тврди дека има вмешаност на надлежните во бегството на Груби

Андоновски: На барање на Мицкоски, издвоени 1,5 милиони евра за филмови за Тоше

ОБРАЗОВНИ АСИСТЕНТИ – КЛУЧ ЗА ИНКЛУЗИЈА, НО СО СЕКОЈДНЕВЕН СТРЕС И НЕСИГУРЕН СТАТУС: Амандманите на ЛДП како чекор кон трајно решение
„ВОДА НЕМА НИ ЗА ЛЕК“: Се испразнија полиците на маркетите во Скопје
