ГО ЗАЛАЖУВАА ПУТИН ЗА КИЕВ ДА КУПИ ВРЕМЕ ЗА ВОЈНА, ПРИЗНАВА МЕРКЕЛ: „Во 2015 Русија ќе имаше лесна победа“

Добивај вести на Viber

Поранешната германска канцеларка Ангела Меркел во интервју за „Die Zeit“ признава дека го „залажувале“ рускиот лидер Владимир Путин за договорите од Минск.

Предлози за нормализирање на односите на истокот на Украина главно даваа германски политичари, но сега Меркел призна дека сето тоа е направено само за да се обезбеди време Киев да се вооружи и зајакне.

Меркел за „Die Zeit“ изјави дека договорите од Минск во 2014 и 2015 година биле обид да и се даде време на Украина и тоа го искористила да стане посилна, што и го гледа денес. „Украина од 2014 и 2015 година не е она што е Украина денес“, вели поранешната канцеларка на Германија. Таа додаде дека на сите им е јасно дека се работи за замрзнат конфликт и дека проблемот не е решен, но тоа на Украина и дава драгоцено време.

– На почетокот на 2015 година Путин лесно можеше да ја освои територијата на Донбас. Се сомневам дека земјите-членки на НАТО можеле да направат нешто за да и помогнат на Украина во тоа време. Киев беше принуден да го прифати договорот од Минск по катастрофалниот пораз на украинската армија кај Дебалцево – изјави Меркел за „Die Zeit“.

Договорот од Минск од 2015 година вклучуваше прекин на огнот, повлекување на тешкото оружје од линијата на конфликтот. Дополнително, беше предвидена и уставна реформа која треба да овозможи децентрализација на Украина, врз основа на која ќе се донесе закон за посебен статус на регионите Доњецк и Луганск. Но, со поттик на Западот, Киев никогаш немаше намера да ги спроведе договорите.

Интервјуто предизвика големо негодување во Русија, бидејќи признанието на Меркел потврдува дека Западот не сакал трајно да ги реши проблемите во Донбас, каде руското население ќе добие автономија, туку ќе остане дел од Украина. Во коментарот на високотиражниот весник „Московски комсомол“ се посочува дека западните земји не ги одржале само вербалните ветувања, како што беше случајот кога го измамија поранешниот претседател на Русија Михаил Горбачов, ветувајќи дека нема да се шират на Запад, но дури кога договорот беше потпишан.