Добивај вести на Viber
Европската должничка криза ќе биде главна тема денеска во Токио, каде министрите за финансии и гувернерите на централните банки присуствуваат на годишната средби на Меѓународниот монетарен фонд и Светската банка. Покрај должничката криза, точки од дневниот ред треба да бидат зголемувањето на државните долгови, неуспехот на многу земји да преземат структурни реформи и бавното темпо на реформи во ММФ.
Дали Грција ќе ја добие следната транша помош од кредиторите останува непознато бидејќи прво државата треба да ги направи неопходните кратења, по што се очекува парите сепак да и бидат исплатени за да може да остане во еврозоната. Голем проблем е и Шпанија која сеуште мисли дали да ја побара меѓувнародната помош за излез од кризата.
Експертите на ММФ пресметаа дека од декември 2009 година за спас на земјите на еврозоната најпогодени од криизата – Грција, Ирска, Италија, Португалија и Шпанија, потрошени се 1.100 милијарди евра.