Голф7 и новото Ауди А3 прoмовирани во Македонија

Добивај вести на Viber

Два нови автомобили пристигнаа во Македонија, Голф 7 и новото Ауди А3, соопштуваат од Порше Македонија. И двата модела се се вистински синоним за елегантен дизајн, иновативна технологија и беспрекорен квалитет во својата класа, велат од компанијата. „Новиот Голф  ја продолжува успешната автомобилска приказна на првиот „Golf“ произведен во далечната 1974 година. Фактот дека од претходните шест генерации се продадени повеќе од 29 милиони возила е најдобар доказ дека овие автомобили знаат како да го пронајдат патот до срцата на купувачите. „Голф7  е врвно возило со атрактивен изглед и нов редизајниран имиџ, опремен со карактеристики за подобрена удобност и безбедност, како и со унапредени системи за забава. Автомобилот импресионира со богат и елегантен ентериер, комфорни седишта кои нудат завиден простор за патниците и уживање во возењето. Новиот Голф е заснован на потполно новата и долго најавувана платформа (MQB) Модуларна Напречна Матрица-која на групацијата Фолсваген и носи нови заштеди и сите предности на модуларната изградба на автомобили. Вкупната тежина на Golf 7 е намалена за дури 100 килограми во однос на претходникот, додека потрошувачката на гориво е намалена за 13,9 % во просек, додека некои верзии се поекономични и за 23 %“, стои во промотивното соопштение на Порше Македонија Во  склад со филозофијата на брендот – „Vorsprung durch Technik ” (Напредок низ техника), од Порше Македонија за Ауди А3 велат дека е врвен модел со ултрамодерен дизајн, моќност, удобност и импресивна стабилност. „Ултра лесната технологија на Audi овозможи  да се намали тежината на атрактивниот автомобил - во споредба со претходникот, новиот А3 е 80 килограми полесен. Формата на автомобилот  ги потенцира спортскиот карактер и моќноста на новиот А3, кој е долг 4,24 метри. Моторите се моќни, напредни, со ултра нова технологија и ниска емисија на CO2 .Во областа на имиџот, Ауди А3 е надополнет со многу нови стилски додатоци“, истакнува увозникот.