Горан Трајковски си поднесе оставка откако Владата му изврши притисок

Добивај вести на Viber

Првиот човек на Дирекцијата за заштита на личните податоци, Горан Трајковски, си поднесе оставка откако Владата му „испрати сигнал“ дека тоа го очекува од него. Претходно , на владина седница не беше прифатен годишниот извештај на оваа институција и беше оценет како незадоволителен. Инаку Трајкјовски е познат по тоа што беше директор на Управата за јавни приходи за време на претходната владеачка гарнитура, односно кога министер за финансии беше Зоран Ставрески.

Тој ја доставил оставката до Собранието во петокот и образложил дека си заминува од лични причини. Функцијата ја напушта на година и пол дена пред да му истече мандатот.

–Во изминатиот период раководејќи со Дирекцијата за заштита на личните податоци силно помогнат од вработените, Собранието и соодветните владини институции успеавме да покажеме и докажеме дека слабостите се препознаени и истите согласно најдобрите европски практики во областа на заштитата на личните податоци знаеме и можеме да ги поставиме согласно европските вредности, пишува меѓу другото во оставката.

Трајковски ја раководи Дирекцијата за заштита на личните податоци од 2016 година.