ГОРИ КАЛИФОРНИЈА: Над 200 домаќинства се евакуирани во страшен пожар - Стравични видеа кружат на социјалните мрежи
Објавено во: Свет 19 Октомври, 2024
Неколку стотици пожарникари го изгаснаа пожарот во Калифорнија, граѓаните мораа да се евакуираат.
Пожарот, кој се прошири на површина од околу пет хектари, избувна вчера поради екстремно суви и ветровити услови, пренесе ABC News.
Според шефот на пожарникарите на градот, Дејмон Ковингтон, најмалку две згради биле оштетени, но ниту една не била целосно уништена.
- Го запревме ширењето на пожарот. Имаме уште многу работа, но сме во многу подобра ситуација од пред два часа - изјави Ковингтон на прес-конференцијата.
Во еден момент, повеќе од 200 домаќинства добија наредба да се евакуираат.
Пожарот избувнал околу 13 часот и 30 минути по локално време во областа на планината Келер и брзо почнал да се шири поради силниот ветер.
Причината за пожарот се уште не е позната.
Фото:Принтскрин