ГРАДОНАЧАЛНИЦИТЕ ОД ВМРО-ДПМНЕ ВИКЕНДОВ ЌЕ НИ ОДРЖАТ ЦЕЛ САЕМ ЗА СРАБОТЕНОТО - една година од преземањето на локалната власт
Објавено во: Македонија 02 Ноември, 2022 10:53
Саем на промените што носат иднина. Така ќе се вика дводневниот отчет кој партијата ВМРО-ДПМНЕ ќе го дава за сработеното во првата година на нивните градоначалници, кои ја освоија власта на локалните избори.
Од партијата на Христијан Мицкоски брифираат дека ВМРО-ДПМНЕ овој викенд (05, 06 ноември) ќе направи отчет за сработеното во првата година од мандатите на градоначалниците кои победија на последните локални избори.
„Новина е тоа што самиот настан ќе трае два дена, и нема да биде класичен отчет туку политички саем каде ќе се презентира сработеното во секоја општина. Слоганот под кој ќе се одвива настанот кој инаку за прв пат го организира било која политичка партија е ‚Саем на промените што носат иднина'“, објаснуваат од партијата.
Како што најавуваат оттаму, ќе има над стотина учесници на саемот, покрај разговор за сработеното во општините и интеракција со градоначалниците ќе има и повеќе дискусии за актуелни теми како што е локалниот економски развој, енергетиката и локалните самоуправи, дигитализацијата и редица редица други теми.
Се очекува и посебна дискусија на меѓународни организации поддржувачи на ВМРО ДПМНЕ и реформските процеси.
Воедно саемот, покрај на главната бина, ќе се одвива и на шест други штандови каде локалните самоуправи ќе бидат поделени на региони во Македонија.
„Настанот ќе биде отворен во саботата со воведен говор на претседателот на ВМРО ДПМНЕ Христијан Мицкоски, а потоа интерактивниот дел ќе продолжи дента во наредните 8 часа и неделата со нови содржини“, објаснуваат од партијата.
Од ВМРО ДПМНЕ велат дека се задоволни од сработеното на градоначалниците кои овие резултати ги оставаруваат во едни тешки услови на економска, политичка и енергетска криза.
„Промените се видливи и е забележлив поинаков и отворен пристап во решавање на проблемите на граѓаните. Се трудиме да решиме што е можно повеќе проблеми, а промените носат иднина во која заеднички веруваме“, велат од партијата.
Настанот ќе се оддржи во Холидеј Ин Скопје со почеток во сабота во 11 часот.
Можеби ќе ве интересира
ЈП ВОДОВОД И КАНАЛИЗАЦИЈА: Констатирано е дека болницата Козле нерационално ја користи водата за пиење
Коњановски: Човек сум и јас можам да погрешам, а за сообраќајниот прекршок си платив
Обвинителен предлог за напаѓачот на Арсовска, за второосомничениот нема да продолжи гонењето
ПРОДОЛЖЕН ПРИТВОРОТ ЗА ОБВИНЕТИТЕ ЗА ПОЖАРОТ ВО КОЧАНИ - обвинителниот акт доставен до адвокатите
На огласот за 400 пожарникари не се пријавиле ниту толку кандидати
ВЛАДАТАТА ЗА ПИСМОТО НА РОДИТЕЛИТЕ НА ЗАГИНАТИТЕ ВО КОЧАНИ: „Сведување на дискусијата на „здраво како сте“ и „колку чини“ е навредливо
КОНЕЧНО ПРИСТИГНУВААТ УЧЕБНИЦИТЕ ПО СТРАНСКИ ЈАЗИЦИ: Нема веќе учење од тетратки
Првата антикорупционерка доби обвинителен предлог за „Адитив“, друго лице полагало безбедносен тест во нејзино име
ТЕШКА СООБРАЌАЈКА НА ВЛЕЗОТ ВО СКОПЈЕ - едно лице пренесено на клиниките „Мајка Тереза“
