ГАЛЕРИЈА: Градот спроведува мерки, Коце со автобус на работа, граѓаните непослушни и рамнодушни

Добивај вести на Viber

Многу граѓани останаа рамнодушни и за да ги избегнат турканиците низ градските автобуси удобно си се качија во автомобил и се одвезоа до работа игнорирајќи ги препораките за намалување на загадениот воздух.

Многу скопјани остнаа мртви ладни на повикот на градските власти и покажаа дека свеста е сепак на многу ниско ниво.

Во осум часот во автобусите немаше големи гужви, меѓутоа работите се променија напладне кога и учениците одат и се враќаат од училиште, студентите на факултет.

Утринава на работното место со автобус дошол и таткото на градот.

Во насока на намалување на загадувањето на воздухот со коешто сме соочени во последниве неколку дена екипите на ЈП „Комунална хигиена“ – Скопје започнаa со спроведување на мерките што Градот Скопје ги донесе, односно во текот на изминатата ноќ и во текот на денешниов ден со пет автоцистерни се врши машинско миење на поголемите улици и булевари во Градот.

Интензивно се мијат и улиците во скопските општини Центар, Аеродром, Гази Баба, Кисела Вода и Карпош.

Булеварите Борис Трајковски, Јане Сандански, Илинден и Партизански одреди, како и улицата Самоилава и други улици, исто така, се чистат и со четири специјални комунални возила – метлачки.

Во текот на целиот денешен ден, вкупно 215 работници вршат рачно метење и собирање на отпадоците, како и расчистување на остатоците од снегот и мразот на плоштадите „Македонија“, „Пела“ и ВМРО, се чисти Старата Чаршија, пешачките патеки и тротоарите на поголемите булевари, раскрсници и на мостовите: „Гоце Делчев“,„Око“,„Слобода“, Камениот мост, Мостот на уметноста и Мостот на револуцијата, Кејот 13-ти Ноември, како и пристапите до поголемите институции“, соопштија од кабинетот на градоначалникот Коце Трајановски.

ФОТО: ФАКТОР