ГРАФИКА: Кој дише најчист воздух!?

Добивај вести на Viber

Многумина ја обвинуваат индустријата - со нејзините фабрики, оџаци и постојано зголемување на продукцијата, за влошувањето на квалитетот на воздухот. Еден поглед на податоците за чистотата на воздухот во светот, покажува нешто друго. Постои врска помеѓу економскиот развој и слободниот пазар, од една страна, и загадувањето на воздухот, од друга. Врската сепак е обратна на она што многумина мислат. Податоците на Светската здравствена организација (СЗО) покажуваат дека најчист воздух во однос на загадувањето со ПМ10 честички е во Северна Америка, некои земји од Европа, Австралија и Нов Зеланд. Иако постои со својата желба да биде лидер во климатски однос, Европа дише доста повалкан воздух од оној во Северна Америка. Причините за ова се неколку. На прво место е дизелизацијата на возниот парк (во Западна и Централна Европа). Втората причина е греење на цврсто гориво (дрва, јаглен) во Источна Европа. За овој фактор помага и економската криза, која ги принудува голем број домаќинства да преминат на овој вид греење како поевтино. Третата е релативно високата цена на електричната енергија и гасот, а за последното помагаат и меморандумите за отворање на нови гасни полиња и силно регулираниот пазар на електрична енергија. Најсериозно загадување на воздухот има во земји како Пакистан, Авганистан и Бангладеш, а надолу следат Кина, Индија и Турција. Причините за загадувањето во Пакистан и Авганистан е пред-индустриската сиромаштија, која ги тера луѓето да горат исклучително многу цврсто гориво. Во останатите земји основен факт е развојот на нивната индустрија со забрзана динамика, но без да обрнуваат толку сериозно внимание на еколошките норми. За жал, истражувањето не ги вклучува градовите од голем дел на Африка и Сибир, за да биде комплетна сликата. На графиконот може да се види загадувањето на воздухот со ПМ10 честички во мкг / кубни. м годишно ниво под 20 мкг / кубни. м годишно се смета за оптимално од СЗО. K.K.