Добивај вести на Viber
Граѓанин ја тужи општина Габрово, Бугарија, по катастрофата предизвикана од незаштитен и неозначен со сигнализација ископ со должина и ширина повеќе од еден метар и длабочина од 80 сантиметри . Веста ја пренесоа бугарските агенции.
Инцидентот се случил пред една година , а Окружниот суд во Габрово со решение од 2 јануари пресуди, администрацијата да му плати на оштетениот вкупно 1050 лева материјални и нематеријални штети. Судот утврдил дека ископот не бил обезбеден и не бил идентификуван со сигнализација, а оштетувањето на возилото на граѓанинот е " во директна врска со неактивноста на вработените на општина Габрово , што по својата природа е противоправно " .
Мажот се движел со брзина од 10-15 километри на час, но и покрај тоа не можел да го избегне пропаѓањето во ископот. Возачот не е повреден сериозно , но по инцидентот возилото му станало непогодно за употреба. Ископот бил направен од водното друштво во градот поради хаварија во водопреносната мрежа.
Општината се обидела да го насочи тужителот да го тужи водовод . Судот сепак наведува дека несреќата се случила како резултат на лошо стопанисување на улицата , која со закон е јавна општинска сопственост и администрацијата е должна да ја одржува во добра состојба .