Грчки политичар бара да славиме за промена на името со Бугарија и Албанија
Објавено во: Македонија 23 Ноември, 2018 21:00
Грчкиот алтернативен министер за надворешни работи, Јоргос Катругалос предлага за Договорот од Преспа да се слави заедно со соседите.
Тој бара, потврдувањето на Договорот меѓу Македонија и Грција заедно да се прослави со Албанија и Бугарија. Тој ова го изјави на министерскиот состанок во Солун каде учествуваат четирите земји.
„Му предлагам на Никола Димитров, штом ќе заврши нашиот заеднички напор за ратификација на Договорот од Преспа, штом го прославиме овој храбар обид на Никос Коѕијас и на двајцата премиери, да можеме да соопштиме нешто конкретно во рамките на квадрилатералната соработка. Еден празничен настан, освен политичката порака што ќе ја испратат нашите лидери. Да ја претставиме нашата работа на ниво на економска соработка“, вели тој.
Според Катругалос, нема постои сомнеж дека Договорот од Преспа ќе се ратификува и во грчкиот Парламент. Тоа е договор како и сите договори меѓу државите, кои не се склучени по војна и нема еден поразен и еден победен, објаснува Катругалос.
Македонскиот министер за надворешни работи, Никола Димитров, потенцираше дека Република Македонија е определена за градење добрососедска политика.
„Ако можеме да ги усогласиме нашите интереси, тоа ќе ни помогне нас, но ќе ѝ помогне и на Европа“, изјави Димитров на четвриот министерски состанок што се одржува во Солун.
Катругалос, во поздравното обраќање утрово, зборуваше и за европската перспектива на Македонија и Албанија, потенцирајќи дека Грција и понатаму останува силно посветена на проширувањето на ЕУ, бидејќи смета дека тоа е од „взаемна корист и за Европа и за Грција, но и за сите земји од регионот“. Тој ден пред состанокот изјави дека Балканот наместо буре барут, треба да биде регион кој праќа позитивни пораки.
На состанокот во Солун, учествуваат и министрите за економија на Грција, Албанија, Македонија и Бугарија. Преспанскиот Договор е потпишан на 17 јуни годинава. Во Македонија се работи на уставни измени со цел промена на името на државата. Овој Договор треба да стави крај на долгогодишниот спор меѓу двете земји.
фото ЕПА
Можеби ќе ве интересира
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
Надминат прагот на загадување во Центар, Гази Баба, Карпош, Лисиче и Ректорат, објавени мерки и препораки
Обвинителството со детали за предметот против Дардишта: Направиле злосторничко здружение, поведена истрага против 33 лица
СДСМ: ДПМНЕ–ЗНАМ со неуставна Резолуција сакаат да забранат дебата за вистината
