Добивај вести на Viber
Грците во просек во пензија одат со 57 години и осум месеци. Оваа бројка и официјално ја потврди последното истражување на ЕЛСАТ, Грчкиот завод за статистика.
Притоа се користени податоци од кварталните извештаи за 2012 година, во периодот од април до јуни за луѓе на возраст од 50 до 69 години. Истражувањето покажало дека просечната старост за одење во пензија кај мажи е 58 години, а кај жените неколку месеци помалку.
Само 28,3 отсто од испитаниците велат дека задолжителното пензионирање е главна причина поради која што морале да одат во пензија. Шест од десет анкетирани лица ги исполниле условите за пензии, додека 5,7 отсто од пензионерите отишле во пензија поради здравствени проблеми.
И претходно Грците беа посочувани како Европејци кои најрано одат во пензија.